નિકોલસ પૂરન બન્યો સિક્સનો કિંગ, આ વર્ષે તોડી નાખ્યા તમામ રેકોર્ડ

• નિકોલસ પૂરને ફટાકારી સૌથી વધુ સિક્સ
  
• નિકોલસ IPL સાથે MPL પણ રમ્યો
• ટોપ 5માં ભારતીય ખેલાડીને ન મળ્યું સ્થાન

વેસ્ટ ઈન્ડીઝના વિકેટકીપર બેટ્સમેન નિકોલસ પૂરન માટે વર્ષ 2023 શાનદાર રહ્યું છે. આ બેટ્સમેને IPL ઉપરાંત MPLમાં પણ અનેક ઈનિંગ રમી છે. સાથે જ આ ખેલાડી અત્યારે ભારત વિરુદ્ધ T 20 સીરિઝમાં પણ જોરદાર ફોર્મમાં છે, ત્યારે આ વર્ષે નિકોલસ પૂરનના બેટમાંથી સૌથી વધુ સિક્સ લાગી છે. આ વર્ષે નિકોલસ પૂરને 87 સિક્સ ફટકારી છે. આ 87 સિક્સ સાથે નિકોલસ પૂરન સૌથી વધુ સિક્સ લગાવનારા ખેલાડીની યાદીમાં પ્રથમ સ્થાને આવ્યો છે.

ટોમ કોહલર કેડમોરે ફટકારી 68 સિક્સ

નિકોલસ પૂરન બાદ આ યાદીમાં બીજા નંબરે ઈંગ્લેન્ડના ખેલાડી ટોમ કોહલર કેડમોર આવે છે. આ ખેલાડીએ વર્ષ 2023માં અત્યાર સુધી 68 સિક્સ લગાવી છે. આ સિક્સ સાથે ટોમ સૌથી વધુ સિક્સ લગાવનારા બેટ્સમેની યાદીમાં બીજા સ્થાને છે.

ટિમ ડેવિડ ત્રીજા નંબરે

આ યાદીમાં ત્રીજા નંબરે ઓસ્ટ્રેલિયાના બેટ્સમેન ટિમ ડેવિડ છે. ડેવિડે આ વર્ષે અત્યાર સુધી 64 સિક્સ લગાવી છે. ડેવિડ બાદ આ યાદીમાં ચોથો નંબર ન્યૂઝીલેન્ડના ખેલાડી કોલિન મુનરોનો આવે છે. ન્યૂઝીલેન્ડના આ ખેલાડીએ અત્યાર સુધી 61 સિક્સ લગાવી છે.