ગૂગલ પર છવાયો વર્લ્ડ કપનો ફીવર, ખાસ ડૂડલથી બંને ટીમને આપી શુભેચ્છાઓ

• ગૂગલના એલને બેટનું રૂપ અપાયું
  
• ગૂગલના લોગોમાં બીજા ઓ'ને વર્લ્ડ કપનું રૂપ અપાયું
• ગૂગલે ભારત-ઓસ્ટ્રેલિયાને આપી શુભકામનાઓ

ગુજરાતના અમદાવાદના નરેન્દ્ર મોદી સ્ટેડિયમમાં ભારત અને ઓસ્ટ્રેલિયા વચ્ચે યોજાનારી વર્લ્ડકપની ફાઈનલ મેચને લઈને સમગ્ર વિશ્વમાં ક્રેઝ જોવા મળી રહ્યો છે ત્યારે ગૂગલ પણ તેનાથી અલગ નથી. ફાઇનલ મેચ આજે રવિવારે (19 નવેમ્બર) રમાવાની છે. વર્લ્ડ કપ ફાઇનલ મેચના આ અવસર પર ગૂગલે એક ખાસ ડૂડલ બનાવ્યું છે.

ડૂડલમાં શું ખાસ છે

ગૂગલે તેના ડૂડલ દ્વારા ફાઈનલ મેચ વિશે ખાસ સંદેશ આપ્યો છે. આમાં ગૂગલના બીજા 'ઓ'ને વર્લ્ડ કપનો આકાર આપવામાં આવ્યો છે. જ્યારે બાકીના અક્ષરોને ખેલાડીઓના રેન્કિંગની જેમ શણગારવામાં આવ્યા છે. Google ના Lને બેટનું સ્વરૂપ આપવામાં આવ્યું છે.

ગૂગલે ભારત-ઓસ્ટ્રેલિયાને અભિનંદન પાઠવ્યા છે

તેના ડૂડલ વિશે જણાવતાં ગૂગલે કહ્યું કે, આજનું ડૂડલ ભારત અને ઓસ્ટ્રેલિયા વચ્ચે 2023ના ICC મેન્સ ક્રિકેટ વર્લ્ડ કપની ઉજવણી કરે છે. ગૂગલે વધુમાં જણાવ્યું હતું કે, "આ વર્ષે ભારતે અફઘાનિસ્તાન, ઓસ્ટ્રેલિયા, બાંગ્લાદેશ, ઈંગ્લેન્ડ, ભારત, નેધરલેન્ડ, ન્યુઝીલેન્ડ, પાકિસ્તાન, દક્ષિણ આફ્રિકા અને શ્રીલંકા સહિત દસ રાષ્ટ્રીય ટીમોની યજમાની કરી હતી. હવે તે ફાઈનલ મેચ પર આવી ગઈ છે. ફાઇનલિસ્ટને શુભેચ્છાઓ! "

5 ઓક્ટોબરથી વર્લ્ડ કપનો પ્રારંભ થયો હતો

ભારત દ્વારા યોજવામાં આવેલ વર્લ્ડ કપ 2023 5 ઓક્ટોબરથી શરૂ થયો હતો. તે દિવસે પણ ગૂગલે ડૂડલ બનાવીને તેની ઉજવણી કરી હતી. 10 ટીમોની આ ટુર્નામેન્ટ ખૂબ જ રોમાંચક રહી છે. વર્લ્ડકપની પ્રથમ મેચ ઈંગ્લેન્ડ અને ન્યુઝીલેન્ડ વચ્ચે નરેન્દ્ર મોદી સ્ટેડિયમમાં રમાઈ હતી અને ભારત અને ઓસ્ટ્રેલિયા વચ્ચેની ફાઈનલ મેચ પણ અહીં રમાઈ રહી છે. વર્લ્ડ કપની મેચ 1975માં શરૂ થઈ હતી અને 2023 આ ટૂર્નામેન્ટની 13મી આવૃત્તિ છે. વર્લ્ડ કપમાં ભારત ઉપરાંત અફઘાનિસ્તાન, ઓસ્ટ્રેલિયા, બાંગ્લાદેશ, ઈંગ્લેન્ડ, નેધરલેન્ડ, ન્યુઝીલેન્ડ, પાકિસ્તાન, દક્ષિણ આફ્રિકા અને શ્રીલંકાની ટીમોએ ભાગ લીધો છે. આજે સમગ્ર વિશ્વની નજર ભારત અને ઓસ્ટ્રેલિયા વચ્ચે રમાનારી ફાઈનલ મેચ પર છે. વર્લ્ડ કપની ફાઈનલ મેચ જોવા વડાપ્રધાન નરેન્દ્ર મોદી ઉપરાંત સેંકડો વીઆઈપીઓ પહોંચશે.