એશિયા કપ 2025ની ફાઇનલ મેચ આજે ભારત અને પાકિસ્તાન વચ્ચે દુબઈ ઈન્ટરનેશનલ ક્રિકેટ સ્ટેડિયમ ખાતે રમાઈ રહી છે. ટોસ હાર્યા બાદ પાકિસ્તાને પહેલા બેટિંગ કરતા 20 ઓવરમાં 146 રન બનાવ્યા હતા. જવાબમાં, ભારતીય ટીમની શરૂઆત ખૂબ જ મુશ્કેલ રહી હતી. જોકે, ભારતની બેટિંગ દરમિયાન ફાઈનલ મેચ અધવચ્ચે જ રોકી દેવામાં આવી હતી અને ફેન્સ હવે તેની પાછળનું કારણ જાણવા માટે ઉત્સુક છે.
ફાઈનલ મેચ અધવચ્ચે જ કેમ રોકી દેવામાં આવી?
જ્યારે ભારતીય ટીમ બેટિંગ કરવા ઉતરી, ત્યારે ત્રીજી ઓવરમાં બે વિકેટ ગુમાવી દીધી. ફોર્મમાં રહેલા અભિષેક શર્મા વહેલા આઉટ થયા અને કેપ્ટન સૂર્યકુમાર યાદવ પણ વહેલા આઉટ થયા. બીજી ઓવરના પાંચમા બોલ પછી ફાઈનલ મેચ રોકી દેવામાં આવી. દુબઈ ઈન્ટરનેશનલ ક્રિકેટ સ્ટેડિયમની લાઈટ્સ અસ્થાયી રૂપે બંધ થઈ ગઈ, જેના કારણે મેચ અટકી ગઈ. જોકે, સ્ટાફે ઝડપથી લાઈટ્સ પુનઃસ્થાપિત કરી, જેનાથી મેચ ફરી શરૂ થઈ. એશિયા કપ ફાઈનલમાં બનેલી આ ઘટના એશિયન ક્રિકેટ કાઉન્સિલ પર પ્રશ્નો ઉભા કરી રહી છે.
