કેન્દ્ર સરકારે 3 સપ્ટેમ્બરે GST સંબંધિત મોટા ફેરફારો કર્યા છે. આ ફેરફારો હવે ક્રિકેટ ફેન્સને પણ અસર કરશે. આ દરમિયાન IPL જોનારા ફેન્સને મોટો ઝટકો લાગ્યો છે, ત્યારે ટીમ ઈન્ડિયાના ફેન્સ માટે સારા સમાચાર છે.


એશિયા કપ 2025 પહેલા મોદી સરકારે ભારતીય ફેન્સને એક મોટી ભેટ પણ આપી છે. IPL મેચ જોવી પહેલા કરતા મોંઘી થઈ ગઈ છે. જ્યારે ઈન્ટરનેશનલ મેચ પહેલા કરતા સસ્તા ભાવે જોઈ શકાશે.

ટીમ ઈન્ડિયાની મેચ સસ્તામાં જોઈ શકશો

સરકારે GSTમાં સુધારો કર્યા પછી ઈન્ટરનેશનલ મેચોની ટિકિટો હવે સસ્તી થઈ ગઈ છે. પહેલા ઈન્ટરનેશનલ મેચોની ટિકિટો પર 28 ટકા GST લાગતો હતો, પરંતુ હવે સરકારે તેને ઘટાડીને 18 ટકા કરી દીધો છે. આ પરિસ્થિતિમાં ઈન્ટરનેશનલ મેચો જોવાનું હવે પહેલા કરતા સસ્તું થઈ ગયું છે. ICC T20 વર્લ્ડકપ 2026 અને મહિલા ODI વર્લ્ડકપ 2025 જોનારા ફેન્સ માટે આ ખૂબ જ સારા સમાચાર છે. આ સાથે સરકારે IPL ટિકિટો પર GST વધારી દીધો છે. જેના કારણે ફેન્સ હવે વધુ ઈન્ટરનેશનલ મેચો તરફ વળી શકે છે.

Also Read

IPL ફેન્સને લાગ્યો મોટો ઝટકો

મોદી સરકાર માને છે કે IPL કોઈ રમતગમતની ટુર્નામેન્ટ નથી પણ એક વ્યાપારી મનોરંજન છે. જેના કારણે હવે તેની ટિકિટો પર 28 ટકાને બદલે 40 ટકા GST લાગશે. આ પરિસ્થિતિમાં ટિકિટો હવે પહેલા કરતા ઘણી મોંઘી ઉપલબ્ધ થશે. પરંતુ સરકારે 500 થી ઓછી ટિકિટો પર માત્ર 18 ટકા GST લગાવ્યો છે. IPL સિવાય તેની અસર પ્રો કબડ્ડી લીગ અને ઈન્ડિયન સુપર લીગની ટિકિટો પર પણ જોવા મળી શકે છે.

ટીમ ઈન્ડિયા મેચ શેડ્યૂલ

ICC મહિલા વર્લ્ડ કપ 2025 માં ટીમ ઈન્ડિયા 30 સપ્ટેમ્બરે શ્રીલંકા સામે પોતાનો પહેલી મેચ રમશે. આ પછી ટીમનો સામનો પાકિસ્તાનની ટીમ સાથે થશે, આ મેચ 5 ઓક્ટોબરે રમાશે. ટીમ ઈન્ડિયા 9 ઓક્ટોબરે સાઉથ આફ્રિકા, 12 ઓક્ટોબરે ઓસ્ટ્રેલિયા, 19 ઓક્ટોબરે ઈંગ્લેન્ડ, 23 ઓક્ટોબરે ન્યુઝીલેન્ડ અને 26 ઓક્ટોબરે બાંગ્લાદેશનો સામનો કરશે. આ મેચ હાઈબ્રિડ મોડેલ પર રમાશે. પાકિસ્તાન તેની બધી મેચ કોલંબોના તટસ્થ સ્થળ પર રમશે. ભારતમાં ટુર્નામેન્ટની મેચો બેંગલુરુ, ઈન્દોર, ગુવાહાટી અને વિશાખાપટ્ટનમમાં રમાશે.

વર્લ્ડકપ માટે ટીમ ઈન્ડિયાની ટીમ

હરમનપ્રીત કૌર (કેપ્ટન), સ્મૃતિ મંધાના, પ્રતિકા રાવલ, હરલીન દેઓલ, દીપ્તિ શર્મા, જેમિમા રોડ્રિગ્સ, રેણુકા સિંહ, અરુંધતિ રેડ્ડી, રિચા ઘોષ, ક્રાંતિ ગૌડ, અમનજોત કૌર, રાધા યાદવ, શ્રી ચારણી, યાસ્તિકા ભાટિયા, સ્નેહ રાણા.

  • Follow us on: