એશિયા કપ 2025નો રોમાંચ ચરમસીમાએ પહોંચી ગયો છે. આજે ભારત અને પાકિસ્તાન વચ્ચે મહા મુકાબલો રમાશે, જેના પર દુનિયાભરના ક્રિકેટ ચાહકોની નજર ટકેલી છે. પરંતુ, આ પછીના દિવસે એટલે કે 15 સપ્ટેમ્બરે એશિયા કપમાં ડબલ ધમાકો જોવા મળશે, કારણ કે આ દિવસે બે અલગ-અલગ મેચોનું આયોજન કરવામાં આવ્યું છે. આ બંને મેચો અલગ-અલગ સમયે અને અલગ-અલગ સ્થળોએ રમાશે. ક્રિકેટ ચાહકો માટે આ દિવસ ખરેખર ઉત્સાહપૂર્ણ રહેશે, જ્યાં તેઓ એક જ દિવસમાં બે રોમાંચક મેચોનો આનંદ માણી શકશે.
પ્રથમ મેચ : UAE vs ઓમાન
15 સપ્ટેમ્બરના રોજ રમાનારી પ્રથમ મેચ UAE અને ઓમાન વચ્ચે હશે. આ મુકાબલો અબુ ધાબીના શેખ ઝાયેદ સ્ટેડિયમમાં ભારતીય સમય અનુસાર સાંજે 5:30 વાગ્યે શરૂ થશે. આ મેચનું લાઇવ પ્રસારણ સોની સ્પોર્ટ્સ નેટવર્ક પર અને લાઇવ સ્ટ્રીમિંગ સોની લિવ એપ પર થશે. આ બંને ટીમો માટે આ મેચ ખૂબ જ મહત્વપૂર્ણ છે, કારણ કે અત્યાર સુધી બંને ટીમોને એક-એક મેચમાં હારનો સામનો કરવો પડ્યો છે. યુએઈને ભારત સામે હાર મળી હતી, જ્યારે ઓમાનને પાકિસ્તાને હરાવ્યું હતું. હવે બંને ટીમોની નજર ટુર્નામેન્ટની પોતાની પ્રથમ જીત પર ટકેલી છે, જેથી તેઓ સુપર-4ની રેસમાં ટકી શકે.
