Big Bash League ભારતમાં એન્ટ્રી, ઓસ્ટ્રેલિયા પાકિસ્તાનને બતાવવા માટે લેશે BCCIની મદદ!

ક્રિકેટ ઓસ્ટ્રેલિયાએ IPL પછી બિગ બેશ લીગ શરૂ કરી. તાજેતરના વર્ષોમાં આ લીગની પોપ્યુલારિટીમાં ઘટાડો થયો છે, જેનાથી CAને મોટો ઝટકો પડ્યો છે. તેઓ લીગને વધુ સુધારવાની યોજના બનાવી રહ્યા છે.

પરિણામે ક્રિકેટ ઓસ્ટ્રેલિયાએ ભારતમાં બિગ બેશ લીગનો ગ્રાન્ડ એન્ટ્રી કરવાની યોજના બનાવી છે. CAના આ પગલાથી પાકિસ્તાનને મોટો ઝટકો પડી શકે છે. BCCI આ પ્રયાસમાં ઓસ્ટ્રેલિયાને મદદ કરી શકે છે.

ક્રિકેટ ઓસ્ટ્રેલિયા મોટી યોજનાઓ બનાવી રહ્યું છે

ઓસ્ટ્રેલિયન રમત પત્રકાર ટોમ મોરિસના જણાવ્યા મુજબ ક્રિકેટ ઓસ્ટ્રેલિયા બિગ બેશ લીગ 2026-27 ની શરૂઆતની મેચ ભારતમાં યોજવાની યોજના બનાવી રહ્યું છે. ભારતીય ફેન્સને આકર્ષવા માટે CA એક મોટી યોજના બનાવી રહ્યું છે. મીડિયા રિપોર્ટ મુજબ આ મેચ ચેન્નાઈમાં રમાઈ શકે છે.

હાલમાં CAએ આ માટે BCCI ને વિનંતી કરી છે. હવે BCCIના નિર્ણયની રાહ જોવાઈ રહી છે. વધુમાં ક્રિકેટ ઓસ્ટ્રેલિયા ટૂંક સમયમાં અન્ય હિસ્સેદારો સાથે આ અંગે ચર્ચા કરી શકે છે. રવિચંદ્રન અશ્વિન પણ ગયા સિઝનમાં લીગમાં સામેલ હતા, પરંતુ તે ઈજાને કારણે રમી શક્યો ન હતો. બિગ બેશ લીગમાં દરેક સિઝનમાં કુલ 44 મેચ રમાય છે.

IPL ફ્રેન્ચાઈઝ પણ કરી શકે છે એન્ટ્રી

મીડિયા રિપોર્ટ મુજબ કેટલીક IPL ફ્રેન્ચાઈઝીઓ હવે બિગ બેશ લીગમાં પ્રવેશવામાં રસ ધરાવે છે. તેમાંથી કેટલીકે સિડની થંડર અને મેલબોર્ન રેનેગેડ્સ સાથે વાત કરી છે. ક્રિકેટ ઓસ્ટ્રેલિયા પણ IPL ફ્રેન્ચાઈઝીઓને પ્રવેશ આપવા માગે છે. IPL ફ્રેન્ચાઇઝીઓએ સાઉથ આફ્રિકા, ઈંગ્લેન્ડ, યુનાઈટેડ સ્ટેટ્સ અને IL20માં ટીમો ખરીદી લીધી છે.

CPLમાં બે IPL ફ્રેન્ચાઈઝીઓ પણ જોવા મળે છે. બિગ બેશ લીગમાં પણ આવું જ કંઈક થઈ શકે છે. જો કોઈ IPL ફ્રેન્ચાઈઝી બિગ બેશ લીગમાં પ્રવેશ કરે છે, તો તે પાકિસ્તાન સુપર લીગને પાછળ છોડી શકે છે, જે પાકિસ્તાન ક્રિકેટ બોર્ડ માટે મોટો ઝટકો હશે.

આ પણ વાંચો: Nepalએ પાકિસ્તાનને છોડ્યું પાછળ, T20 વર્લ્ડકપમાં સર્જાયો મોટો અપસેટ