વિમેન્સ પ્રીમિયર લીગ 2026 ની સાતમી મેચમાં દિલ્હી કેપિટલ્સે યુપી વોરિયર્સનો સામનો કર્યો. આ મેચમાં દિલ્હી કેપિટલ્સે યુપી વોરિયર્સને 7 વિકેટથી હરાવીને સીઝનની પોતાની પહેલી જીત નોંધાવી.
દિલ્હી કેપિટલ્સે યુપી વોરિયર્સને 7 વિકેટથી હરાવ્યું. આ WPL 2026 માં દિલ્હીની પહેલી જીત છે, જ્યારે યુપીની સતત ત્રીજી હાર થઈ. આ મેચ નવી મુંબઈમાં રમાઈ હતી, જ્યાં ટોસ હાર્યા બાદ પ્રથમ બેટિંગ કરતા યુપી વોરિયર્સે પહેલા બેટિંગ કરતા નિર્ધારિત 20 ઓવરમાં 154 રન બનાવ્યા હતા. જવાબમાં દિલ્હીએ છેલ્લા બોલ પર જીત મેળવી હતી.
155 રનના ટાર્ગેટનો પીછો કરવા ઉતરેલી દિલ્હી કેપિટલ્સે શેફાલી વર્મા અને લિઝેલ લી વચ્ચે 94 રનની ઓપનિંગ પાર્ટનરશીપ સાથે શાનદાર શરૂઆત કરી. શેફાલી વર્માએ 36 રન બનાવ્યા, જ્યારે લીએ 67 રનની મજબૂત ઈનિંગ રમી.
દિલ્હી કેપિટલ્સને છેલ્લી 2 ઓવરમાં 13 રનની જરૂર હતી અને 8 વિકેટ બાકી હતી. દિલ્હી માટે જીત અનિવાર્ય લાગતી હતી, પરંતુ 19મી ઓવરમાં દીપ્તિ શર્માએ માત્ર 7 રન આપ્યા અને જેમીમા રોડ્રિગ્સની વિકેટ પણ લીધી. લૌરા વોલ્વાર્ડ હજુ પણ ક્રીઝ પર હોવાથી, દિલ્હીનો જીતનો માર્ગ હજુ પણ સરળ લાગતો હતો. DCને છેલ્લી ઓવરમાં 6 રનની જરૂર હતી.
જ્યારે મેરિઝેન કાપ સામે LBW અપીલ કરવામાં આવી ત્યારે દિલ્હીને છેલ્લા 2 બોલમાં 2 રનની જરૂર હતી, પરંતુ યુપીનો રિવ્યૂ ગુમાવી દેવામાં આવ્યો. દિલ્હીને છેલ્લા બોલ પર 1 રનની જરૂર હતી અને સુપર ઓવરની શક્યતા હતી. લૌરા વોલ્વાર્ડે છેલ્લા બોલ પર ચોગ્ગો ફટકારીને WPL 2026 માં દિલ્હીને જીત અપાવી.
આ પણ વાંચો: WPL ઈતિહાસમાં પહેલીવાર બની આ ઘટના, આયુષી સોનીએ ડેબ્યૂ મેચમાં જ બનાવ્યો શરમજનક રેકોર્ડ