Duleep Trophyમાં પહેલીવાર થયું આવું, BCCIના નવા નિયમ મુજબ થયું રિપ્લેસમેન્ટ

એન્ડરસન-તેંડુલકર ટ્રોફી 2025 ની ચોથી ટેસ્ટ મેચ દરમિયાન રિષભ પંત ઈજાગ્રસ્ત થયો હતો. ઈજાને કારણે તે બીજી ઈનિંગમાં બેટિંગ કરવાની સ્થિતિમાં પણ ન હતો. પરંતુ તે પછી પણ તેને રિપ્લેસમેન્ટ મળી શક્યું નહીં.

આ ઈજામાંથી શીખીને BCCI એ એક મોટો નિર્ણય લીધો અને ઘરેલુ ક્રિકેટમાં એક નવો નિયમ લાગુ કર્યો. જે મુજબ જો કોઈ ખેલાડી મેદાન પર ગંભીર ઈજાનો ભોગ બને છે, તો રિપ્લેસમેન્ટ આપવામાં આવશે. દુલીપ ટ્રોફીમાં આ નિયમનો પહેલી વખત ઉપયોગ કરવામાં આવ્યો છે.

BCCIએ નિયમોમાં કર્યા ફેરફાર

જો કોઈ ખેલાડીને મેદાન પર રમતી વખતે ઈજા થાય છે, તો BCCI ના નવા નિયમો મુજબ રિપ્લેસમેન્ટ શોધી શકાય છે. નવા નિયમમાં જણાવાયું છે કે 'જો કોઈ ખેલાડીને સંબંધિત મેચ દરમિયાન ગંભીર ઈજા થાય છે, તો નીચેની પરિસ્થિતિઓમાં ગંભીર ઈજા રિપ્લેસમેન્ટની મંજૂરી આપી શકાય છે. ગંભીર ઈજા વિભાગ 1.2.5.2 માં વર્ણવેલ રમતના ક્ષેત્ર દરમિયાન અને તેની અંદર થઈ હોવી જોઈએ.

ઈજા બાહ્ય ઝટકાને કારણે થઈ હોવી જોઈએ અને તેના પરિણામે ફ્રેક્ચર / ઊંડા ઘા / અવ્યવસ્થા વગેરે થવું જોઈએ. ઈજાને કારણે ખેલાડી મેચના બાકીના સમય માટે અનુપલબ્ધ રહેવો જોઈએ. વિનંતી કરાયેલ ગંભીર ઈજા રિપ્લેસમેન્ટ ઓળખો, જે ગંભીર ઈજાથી પીડાતા ખેલાડી જેવો જ રિપ્લેસમેન્ટ હશે.'

મહારાષ્ટ્રના એક ખેલાડીનું ઈતિહાસમાં નોંધાયું નામ

મીડિયા રિપોર્ટ મુજબ દુલીપ ટ્રોફી 2025ના સેમીફાઈનલ 2 દરમિયાન વેસ્ટ ઝોનના વિકેટકીપર હાર્વિક દેસાઈને ક્વાડ્રિસેપ્સ ઈજા થઈ હતી. જેના કારણે નવા નિયમો મુજબ વેસ્ટ ઝોનને પણ રિપ્લેસમેન્ટ ખેલાડી મળ્યો. મહારાષ્ટ્રના વિકેટકીપર-બેટ્સમેન સૌરભ નવલેને ગંભીર ઈજાના રિપ્લેસમેન્ટ તરીકે તક મળી. આ સાથે સૌરભ ક્રિકેટ ઈતિહાસમાં ગંભીર ઈજાના રિપ્લેસમેન્ટ બનનાર પહેલો ખેલાડી બન્યો છે. પરંતુ સૌરભ બીજી ઈનિંગમાં માત્ર 9 રન બનાવીને પેવેલિયન પાછો ફર્યો.