Smriti Mandhanaની કુલ સંપત્તિ કેટલી છે? જાણો તેના કાર ક્લેક્શન, બંગલો અને નેટવર્થ વિશે

ભારતીય મહિલા ક્રિકેટ ટીમની ઓપનર સ્મૃતિ મંધાનાએ વર્લ્ડકપ 2025માં શાનદાર પ્રદર્શન કર્યું. તે ટુર્નામેન્ટમાં બીજા નંબરે સૌથી વધુ રન બનાવનાર ખેલાડી બની અને ભારત માટે સૌથી વધુ રન બનાવનાર પણ બની. સ્મૃતિ મંધાના દુનિયાની સૌથી વધુ કમાણી કરતી ખેલાડીઓમાંની એક છે.

સ્મૃતિ મંધાના મહિલા પ્રીમિયર લીગ અને બ્રાન્ડ એન્ડોર્સમેન્ટથી કરોડો કમાય છે. સ્મૃતિ મંધાના ટૂંક સમયમાં પલાશ મુછલ સાથે લગ્ન કરવા જઈ રહી છે. તમને જણાવી દઈએ કે તેની નેટવર્થ કેટલી છે.

કરોડો રૂપિયા કેવી રીતે કમાય છે સ્મૃતિ મંધાના?

સ્મૃતિ મંધાના તેની મેચ ફી અને BCCI સાથેના સેન્ટ્રલ કોન્ટ્રાક્ટમાંથી કરોડો રૂપિયા કમાય છે. તેને દરેક ટેસ્ટ મેચ માટે 15 લાખ રૂપિયા, દરેક ODI માટે 6 લાખ રૂપિયા અને દરેક T20 મેચ માટે 3 લાખ રૂપિયા મેચ ફી મળે છે. વધુમાં તે BCCI સેન્ટ્રલ કોન્ટ્રાક્ટ દ્વારા વાર્ષિક કોન્ટ્રાક્ટમાંથી 50 લાખ કમાય છે.

તે મહિલા પ્રીમિયર લીગમાં RCBની સભ્ય પણ છે. તે દર સીઝનમાં 3.4 કરોડ કમાય છે. તેણે 2024 માં RCBને મહિલા પ્રીમિયર લીગનો ખિતાબ પણ અપાવ્યો હતો. મીડિયા રિપોર્ટ્સ મુજબ તેની કુલ સંપત્તિ આશરે 34 કરોડ રૂપિયા છે.

બ્રાન્ડ એન્ડોર્સમેન્ટની વાત કરીએ તો સ્મૃતિ મંધાનાએ હ્યુન્ડાઈ, હીરો મોટોકોર્પ, રેડ બુલ, ગાર્નિયર, નાઈકી, માસ્ટરકાર્ડ, હેવેલ્સ, રેંગલર, ગલ્ફ ઓઈલ ઈન્ડિયા, બાટાના પાવર સ્પોર્ટ્સવેર બ્રાન્ડ, હર્બલાઈફ, પીએનબી મેટલાઈફ, ઈક્વિટાસ બેંક, રેક્સોના અને યુનિસેફ ઈન્ડિયા સહિત ઘણી ગ્લોબલ અને ભારતીય કંપનીઓ સાથે કામ કર્યું છે.

આલીશાન ઘરની છે માલિક

સ્મૃતિ મંધાના મહારાષ્ટ્રના સાંગલીમાં રહે છે. સાંગલીમાં તેમનો એક આલીશાન બંગલો છે, જેમાં જીમ, લાઈબ્રેરી, હોમ થિયેટર અને એક સુંદર બગીચો છે. મીડિયા રિપોર્ટ્સ મુજબ સ્મૃતિ મંધાના મુંબઈ અને દિલ્હીમાં પણ મિલકતો ધરાવે છે.

શાનદાર કાર કલેક્શન

સ્મૃતિ મંધાનાએ 2015માં તેના પિતાને મારુતિ સુઝુકી ભેટમાં આપી હતી. બાદમાં તેણે તેના ભાઈને હ્યુન્ડાઈ ક્રેટા પણ ભેટમાં આપી હતી. વધુમાં તેના ગેરેજમાં આશરે 70 લાખ રૂપિયાની કિંમતની રેન્જ રોવર ઈવોક અને અન્ય ઘણી લક્ઝરી ગાડીઓ સામેલ છે.