Shreyas Iyerની ઈજાને લઈને ટીમ ઈન્ડિયા માટે ખરાબ સમાચાર, આ ખેલાડીને મળશે તક?

ટીમ ઈન્ડિયાના સ્ટાર બેટ્સમેન શ્રેયસ ઐયરને લઈને કોઈ સારા સમાચાર નથી. એવું માનવામાં આવતું હતું કે શ્રેયસ ઐયર ટૂંક સમયમાં સંપૂર્ણપણે ફિટ થઈ જશે અને વિજય હજારે ટ્રોફીમાં રમશે. પરંતુ લેટેસ્ટ અપડેટ મુજબ શ્રેયસ ઐયરને મેદાનમાં પાછા ફરવામાં થોડો સમય લાગશે.

ઓસ્ટ્રેલિયા સામેની ODI સિરીઝ દરમિયાન શ્રેયસ ઐયર ફિલ્ડિંગ કરતી વખતે ગંભીર રીતે ઈજાગ્રસ્ત થયો હતો અને તેને હોસ્પિટલમાં દાખલ કરવા પડ્યો હતો. એવું કહેવામાં આવી રહ્યું છે કે શ્રેયસે પણ 6 કિલો વજન ઘટાડ્યું છે.

શ્રેયસ ઐયરની ઈજાને લઈને અપડેટ

હવે એવું લાગે છે કે શ્રેયસ ઐયર ન્યુઝીલેન્ડ સામેની ત્રણ મેચની ODI સિરીઝમાં રમી શકશે તેવી શક્યતા ખૂબ જ ઓછી છે. મીડિયા રિપોર્ટ મુજબ શ્રેયસ ઐયર ફક્ત વિજય હજારે ટ્રોફીના નોકઆઉટ મેચો માટે જ મેદાનમાં પરત ફરી શકશે. ઓસ્ટ્રેલિયામાં થયેલી ઈજાને કારણે શ્રેયસ ઐયરે 6 કિલો વજન ઘટાડ્યું છે.

શ્રેયસ ઐયરનું વજન ચોક્કસ વધ્યું છે, પરંતુ તેની તાકાત અને સ્નાયુ સમૂહ હજુ પણ સંપૂર્ણપણે પરત ફર્યો નથી. શ્રેયસ ઐયરને બેટિંગ કરવામાં કોઈ સમસ્યા નથી, પરંતુ તેને તેની તાકાત સંપૂર્ણપણે પાછી મેળવવામાં 7 થી 10 દિવસ લાગી શકે છે. મીડિયા રિપોર્ટ મુજબ શ્રેયસ 9 જાન્યુઆરીની આસપાસ સંપૂર્ણપણે ફિટ જાહેર થઈ શકે છે.

શ્રેયસ ઐયરની જગ્યાએ કોને તક મળશે?

શ્રેયસ ઐયર ન્યુઝીલેન્ડ સિરીઝમાં રમે તેવી શક્યતા ખૂબ જ ઓછી છે. જો શ્રેયસ ઐયર ફિટનેસ પરત મેળવી ન શકે, તો સિલેક્ટર્સ તેની જગ્યાએ ઋતુરાજ ગાયકવાડને સ્થાન આપવાનું વિચારી શકે છે. સાઉથ આફ્રિકા સામેની તાજેતરની ODI સિરીઝમાં ઋતુરાજનું પ્રદર્શન શાનદાર રહ્યું હતું. સિરીઝની બીજી મેચમાં ઋતુરાજ ચોથા નંબરે બેટિંગ કરવા આવ્યો અને માત્ર 83 બોલમાં 105 રનની ધમાકેદાર ઈનિંગ રમી. તેની ઈનિંગ દરમિયાન ઋતુરાજે 12 ચોગ્ગા અને 2 છગ્ગા ફટકાર્યા.

આ પણ વાંચો: IND Vs NZ: પહેલી મેચ 11 જાન્યુઆરીએ, ટીમ ઈન્ડિયાની જાહેરાત ક્યારે થશે?