Abhishek Sharmaએ પ્રેક્ટિસ મેચમાં મચાવી ધૂમ, ચોગ્ગા અને છગ્ગાનો કર્યો વરસાદ

ટીમ ઈન્ડિયાનો સ્ટાર બેટ્સમેન અભિષેક શર્મા IPL 2026 પહેલા ફોર્મમાં આવી ગયો છે. ટુર્નામેન્ટ શરૂ થાય તે પહેલાં સનરાઈઝર્સ હૈદરાબાદ દ્વારા એક ઈન્ટ્રા-સ્ક્વોડ મેચ રમાઈ હતી. આ મેચમાં અભિષેક શર્માએ બેટથી શાનદાર પ્રદર્શન કર્યું હતું.

અભિષેક શર્મા સહિત સનરાઈઝર્સના ખેલાડીઓ 28 માર્ચથી શરૂ થનારી ટુર્નામેન્ટ માટે સખત તૈયારી કરી રહ્યા છે અને આ તૈયારીના ભાગ રૂપે ટીમે એક પ્રેક્ટિસ મેચ રમી હતી. આ ઈન્ટ્રા-સ્ક્વોડ મેચ ટીમમાં હાજર ખેલાડીઓ વચ્ચે રમાઈ હતી.

પ્રેક્ટિસ મેચમાં અભિષેક શર્માએ મચાવી ધૂમ

આ પ્રેક્ટિસ મેચમાં, અભિષેક શર્મા, હેનરિક ક્લાસેન અને ઈશાન કિશન જેવા વિસ્ફોટક બેટ્સમેન એક જ ટીમમાં હતા. આ મેચમાં ઈશાન કિશનની ટીમને પહેલા બેટિંગ કરવાની તક આપવામાં આવી હતી. આ મેચમાં ઈશાન અને અભિષેકની જોડીએ ટીમ માટે ઈનિંગની શરૂઆત કરી હતી, પરંતુ તેઓ ટીમને સારી શરૂઆત આપી શક્યા ન હતા. આ પ્રેક્ટિસ મેચમાં ઈશાન 14 બોલમાં 18 રન બનાવીને આઉટ થયો હતો. પરંતુ આ મેચની શરૂઆતથી જ અભિષેક શર્માએ વિસ્ફોટક બેટિંગ કરી હતી.

અભિષેક શર્માએ 27 બોલમાં પોતાની અડધી સદી પૂર્ણ કરી

અભિષેક શર્માએ આ મેચમાં માત્ર 27 બોલમાં પોતાની અડધી સદી પૂરી કરી અને અડધી સદી પૂરી કર્યા પછી તેને ઝડપી ગતિએ રન બનાવ્યા. સ્પિનર ​​હોય કે પેસર, અભિષેકે કોઈ પણ બોલરને સ્થિર થવા દીધો નહીં. તેને પોતાની ઈનિંગ દરમિયાન ચોગ્ગા અને છગ્ગાનો વરસાદ કર્યો. અંતે અભિષેક માત્ર 42 બોલમાં 94 રન બનાવ્યા બાદ આઉટ થયો. તેને ઈંગ્લેન્ડના ફાસ્ટ બોલર બ્રાયડન કાર્સે આઉટ કર્યો. SRH A એ પ્રથમ બેટિંગ કરતા 20 ઓવરમાં 9 વિકેટ ગુમાવીને 253 રન બનાવ્યા.

SRH પાસે શક્તિશાળી બેટ્સમેનની ટીમ

SRHની વાત કરીએ તો આ IPL સીઝન માટે તેમની પાસે એક મજબૂત લાઈનઅપ છે. તેમની બેટિંગ લાઈનઅપ કોઈપણ બોલિંગ આક્રમણ સામે 250 રન બનાવી શકે છે. ટીમમાં અભિષેક શર્મા, ઈશાન કિશન, ટ્રેવિસ હેડ અને હેનરિક ક્લાસેન જેવા ટોપ ક્રમના બેટ્સમેન છે. અભિષેક અને ઈશાને ટીમ ઇન્ડિયાના તાજેતરના વર્લ્ડકપ વિજેતા અભિયાનમાં મહત્વપૂર્ણ ભૂમિકા ભજવી હતી. હવે જોવાનું એ રહે છે કે તેઓ આ IPL સીઝનમાં કેવું પ્રદર્શન કરે છે.

આ પણ વાંચો: Suryakumar Yadav, હાર્દિક પંડ્યા અને શિવમ દુબેએ છોડ્યો ટીમ ઈન્ડિયાનો સાથ, BCCI પર ઉઠ્યા સવાલો!