6 મે એ ભારતીય ક્રિકેટ માટે ખૂબ જ દુઃખદ દિવસ હતો, જ્યારે 36 વર્ષની ઉંમરે પંજાબ માટે ઘરેલુ ક્રિકેટ રમનારા ભૂતપૂર્વ ખેલાડી અમનપ્રીત સિંહ ગિલના અવસાનના સમાચાર આવ્યા. આટલી નાની ઉંમરે અમનપ્રીત સિંહનું અવસાન બધા માટે આઘાતજનક હતું.
અમનપ્રીત સિંહ ગિલ એક ફાસ્ટ બોલિંગ ઓલરાઉન્ડર હતો જે ભારતીય અંડર-19 ટીમ માટે પણ રમ્યો હતો, અને તે સમયે તેનો સાથી વિરાટ કોહલી હતો. વિરાટ કોહલીને પણ તેના ભૂતપૂર્વ સાથીના અવસાનના સમાચાર સાંભળીને ખૂબ જ આઘાત લાગ્યો હતો, અને તેને સોશિયલ મીડિયા પોસ્ટમાં પોતાનું દુઃખ વ્યક્ત કર્યું હતું.
અમનપ્રીતના નિધનના સમાચાર સાંભળીને મને ખૂબ જ આઘાત લાગ્યો
પંજાબ ક્રિકેટ એસોસિએશને એક સોશિયલ મીડિયા પોસ્ટમાં જાહેરાત કરી હતી કે 6 મેના રોજ સવારે અમનપ્રીત સિંહ ગિલનું અવસાન થયું હતું અને તે જ સાંજે તેમના અંતિમ સંસ્કાર કરવામાં આવ્યા હતા. વિરાટ કોહલીએ અમનપ્રીત સિંહ ગિલના અવસાન વિશે એક સોશિયલ મીડિયા પોસ્ટમાં લખ્યું હતું કે, "અમનપ્રીત ગિલના અવસાનના સમાચાર સાંભળીને ખૂબ જ આઘાત લાગ્યો છે. હું તેમના પરિવાર અને પ્રિયજનો માટે પ્રાર્થના કરું છું. તેમના આત્માને શાંતિ મળે. ઓમ શાંતિ."
શિખર ધવન અને યુવરાજ સિંહે પણ પોતાનું દુઃખ વ્યક્ત કર્યું
બે દિગ્ગજ ભૂતપૂર્વ ભારતીય ખેલાડીઓ શિખર ધવન અને યુવરાજ સિંહે પંજાબના ભૂતપૂર્વ ખેલાડી અમનપ્રીત સિંહ ગિલના નિધન પર સોશિયલ મીડિયા પર શોક વ્યક્ત કર્યો. શિખર ધવને ટ્વિટર પર પોસ્ટ કર્યું કે "આટલી નાની ઉંમરે પંજાબના ભૂતપૂર્વ ખેલાડી અમનપ્રીત સિંહ ગિલના નિધનના સમાચાર સાંભળીને ખૂબ દુઃખ થયું. તેમના પરિવાર, મિત્રો અને તેમને ઓળખતા દરેક વ્યક્તિ પ્રત્યે મારી હૃદયપૂર્વકની સંવેદના. ઓમ શાંતિ."
યુવરાજ સિંહ, જે સ્થાનિક ક્રિકેટમાં પંજાબ માટે પણ રમી ચૂક્યો છે, તેને ઇન્સ્ટાગ્રામ પર પોસ્ટ કર્યું કે "અમનપ્રીત સિંહ ગિલના નિધનના સમાચાર સાંભળીને મને ખૂબ જ દુઃખ થયું છે. અમે શરૂઆતના દિવસોમાં સાથે ડ્રેસિંગ રૂમ શેર કર્યો હતો. તે એક શાંત, મહેનતુ ખેલાડી હતો જેને રમત ખૂબ ગમતી હતી. તેમના પરિવાર અને પ્રિયજનો પ્રત્યે મારી હૃદયપૂર્વકની સંવેદના. તેમના આત્માને શાંતિ મળે. ઓમ શાંતિ."
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?
