ઈન્ડિયન પ્રીમિયર લીગની 19મી સીઝનનો પહેલો તબક્કો પાંચ વખતની ચેમ્પિયન ચેન્નાઈ સુપર કિંગ્સ માટે સારો રહ્યો ન હતો, અને પ્લેઓફમાં પહોંચવાની તેમની શક્યતાઓ ઓછી દેખાઈ રહી હતી. ત્યારથી CSK એ શાનદાર વાપસી કરી છે અને હજુ પણ ટોપ-4માં સ્થાન મેળવવાની દોડમાં છે.
આ દરમિયાન ચેન્નાઈ સુપર કિંગ્સને તેમના સ્ટાર ફાસ્ટ બોલર જેમી ઓવરટનના રૂપમાં મોટો ઝટકો લાગ્યો છે, જે ઈજાને કારણે આ સીઝનની બાકીની મેચોનો ભાગ રહેશે નહીં અને પોતાના વતન ઈંગ્લેન્ડ પરત ફર્યો છે. 14 મેના રોજ CSKએ જેમી ઓવરટનના રિપ્લેસમેન્ટ ખેલાડી 25 વર્ષના ડાયેન ફોરેસ્ટરનું નામ જાહેર કર્યું.
કોણ છે ડાયેન ફોરેસ્ટર?
સાઉથ આફ્રિકા માટે ઈન્ટરનેશનલ ક્રિકેટમાં પ્રવેશ કરનાર ડાયેન ફોરેસ્ટર વિશે વાત કરીએ તો, સીએસકેએ તેને સિઝનની બાકીની મેચો માટે 75 લાખ રૂપિયામાં ખરીદી છે. ડાયેન ફોરેસ્ટરે આ વર્ષે માર્ચમાં ઈન્ટરનેશનલ ક્રિકેટમાં પ્રવેશ કર્યો હતો, જેમાં તેને અત્યાર સુધીમાં 5 મેચ રમી છે અને કુલ 83 રન બનાવ્યા છે. બેટિંગ સિવાય ફોરેસ્ટર એક ઝડપી બોલર પણ છે, જેનો ફાયદો સીએસકેને થઈ શકે છે. ડાયેન ફોરેસ્ટર તાજેતરમાં સમાપ્ત થયેલી પાકિસ્તાન સુપર લીગની 11મી સીઝનમાં રાવલપિંડી ટીમનો ભાગ હતી, જેમાં તેને 6 મેચ રમી હતી, જેમાં કુલ 132 રન બનાવ્યા હતા અને 2 વિકેટ પણ લીધી હતી.
ડાયેન ફોરેસ્ટરે તેના કરિયરમાં કુલ 36 T20 મેચ રમી છે, જેમાં તેને 35.84 ની એવરેજથી 681 રન બનાવ્યા છે, જેમાં 2 અડધી સદીનો સમાવેશ થાય છે. તેનો સ્ટ્રાઈક રેટ 140.70 છે. તેના બોલિંગ પ્રદર્શનમાં તેને 30.27 ની એવરેજથી 11 વિકેટ લીધી છે.
CSKને લીગ સ્ટેજમાં હજુ ત્રણ મેચ રમવાની બાકી
IPL 2026 સીઝનમાં ચેન્નાઈ સુપર કિંગ્સે કુલ 11 લીગ સ્ટેજ મેચ રમી છે, જેમાં 6 જીતી છે અને પાંચમાં હારી છે. 12 પોઈન્ટ સાથે, CSK હાલમાં પોઈન્ટ ટેબલમાં પાંચમા સ્થાને છે અને આ સીઝનમાં ત્રણ લીગ સ્ટેજ મેચ રમવાની છે, જેમાં 15, 18 અને 21 મેના રોજ લખનૌ સુપર જાયન્ટ્સ, સનરાઈઝર્સ હૈદરાબાદ અને ગુજરાત ટાઈટન્સનો સામનો કરવો પડશે.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?
