IPL 2026ની નવમી મેચ ગુજરાત ટાઈટન્સ અને રાજસ્થાન રોયલ્સ વચ્ચે અમદાવાદના નરેન્દ્ર મોદી સ્ટેડિયમમાં રમાઈ રહી છે. આ મેચ પહેલા ગુજરાતની ટીમને મોટો ઝટકો લાગ્યો છે. ટીમનો નિયમિત કેપ્ટન શુભમન ગિલ આ મેચમાં રમી રહ્યો નથી.
શુભમન ગિલની ગેરહાજરીમાં રાશિદ ખાન ટીમનું નેતૃત્વ કરી રહ્યો છે. ટોસ દરમિયાન રાશિદ ખાને ગિલ આ મેચમાંથી બહાર કેમ છે તે સમજાવ્યું. તમને જણાવી દઈએ કે આ મેચમાં રાજસ્થાન રોયલ્સના કેપ્ટન રિયાન પરાગે ટોસ જીતીને પહેલા બેટિંગ કરવાનો નિર્ણય લીધો હતો.
ટોસ સમયે ગુજરાત ટાઇટન્સના સ્ટેન્ડ-ઈન કેપ્ટન રાશિદ ખાને જણાવ્યું હતું કે શુભમન ગિલને સ્નાયુઓમાં થોડો દુખાવો થયો છે અને આશા છે કે તે જલ્દી સ્વસ્થ થઈ જશે. તેના સ્થાને કુમાર કુશાગ્રનો ટીમમાં સામેલ કરવામાં આવ્યો છે. રાશિદ ખાનના નિવેદનથી સ્પષ્ટ થાય છે કે શુભમન ગિલ આ મેચમાં રમવા માટે સંપૂર્ણપણે ફિટ નથી, જેના કારણે તેને મેચમાંથી ખસી જવાની ફરજ પડી છે. તે ફિટ થશે કે નહીં અને આગામી મેચ માટે પરત ફરી શકશે કે નહીં તે જોવાનું બાકી છે.
ટોસ અંગે ગુજરાતના કેપ્ટને કહ્યું કે "અમે પહેલા બોલિંગ કરવા માગતા હતા. વિકેટ તાજી છે અને મને લાગે છે કે બોલરોને શરૂઆતમાં થોડી મદદ મળશે, પરંતુ અત્યાર સુધી અમે ટોસના પરિણામથી ખૂબ ખુશ છીએ. મને લાગે છે કે અમે છેલ્લી મેચમાં સારું ક્રિકેટ રમ્યું હતું. પરંતુ કેટલાક ક્ષેત્રો એવા છે જ્યાં આપણે બોલિંગ અને બેટિંગ બંનેમાં સુધારો કરવાની જરૂર છે. અમે મીટિંગમાં આ અંગે ઘણી ચર્ચા કરી છે; હવે આપણે ફક્ત અહીં અમારું બેસ્ટ પ્રદર્શન કરવાનું છે અને અમારું 100% આપવાનું છે."
કુમાર કુશાગ્ર, સાઈ સુદર્શન, જોસ બટલર (વિકેટકીપર), ગ્લેન ફિલિપ્સ, વોશિંગ્ટન સુંદર, રાહુલ તેવટિયા, રાશિદ ખાન (કેપ્ટન), કાગીસો રબાડા, અશોક શર્મા, મોહમ્મદ સિરાજ, પ્રસિદ્ધ કૃષ્ણા
યશસ્વી જયસ્વાલ, વૈભવ સૂર્યવંશી, ધ્રુવ જુરેલ (વિકેટકીપર), રિયાન પરાગ (કેપ્ટન), શિમરોન હેટમાયર, ડોનોવન ફરેરા, રવિન્દ્ર જાડેજા, જોફ્રા આર્ચર, નંદ્રે બર્ગર, તુષાર દેશપાંડે, સંદીપ શર્મા
આ પણ વાંચો: Virat Kohli અને રોહિત શર્મા ટેસ્ટ સંન્યાસ પરત લઈ રહ્યા છે? BCCIને મોકલ્યો મેસેજ, જાણો સત્ય