કોલકાતા નાઈટ રાઈડર્સે ઈન્ડિયન પ્રીમિયર લીગની 19મી સીઝનના લીગ તબક્કાની પોતાની ચોથી મેચ લખનઉં સુપર જાયન્ટ્સ સામે તેમના હોમ ગ્રાઉન્ડ, ઈડન ગાર્ડન્સ સ્ટેડિયમ ખાતે રમી રહી છે.
ટોસ હાર્યા બાદ KKR પહેલા બેટિંગ કરવા આવ્યું, પરંતુ તેમની શરૂઆત બિલકુલ અપેક્ષા મુજબ ન હતી અને ઓપનિંગ બેટ્સમેન ફિન એલન ઈનિંગની બીજી ઓવરના ચોથા બોલ પર માત્ર 9 રન બનાવીને આઉટ થઈ ગયો.
થર્ડ મેન પર ફિલ્ડિંગ કરતા દિગ્વેશ સિંહ રાઠીએ કેચ પકડ્યો, પરંતુ હવે તેને લઈને વિવાદ જોવા મળી રહ્યો છે. લખનૌ સુપર જાયન્ટ્સના બોલર પ્રિન્સ યાદવ સામે બીજા ઓવરના ચોથા બોલ પર જ્યારે ફિન એલન મોટો શોટ રમવાનો પ્રયાસ કરી રહ્યો હતો, ત્યારે બોલ તેના બેટની ઉપરની ધાર પર વાગ્યો અને હવામાં થર્ડ મેન તરફ ગયો. ત્યાં ફિલ્ડિંગ કરી રહેલા દિગ્વેશ સિંહ રાઠીએ બોલ કેચ કર્યો, પરંતુ આ દરમિયાન તેનો એક પગ બાઉન્ડ્રી લાઈનની ખૂબ નજીક હતો, જે બાઉન્ડ્રી લાઈનને સ્પર્શતો જોવા મળ્યો હતો.
https://twitter.com/StarSportsKan/status/2042251993113354551
ફિલ્ડ એમ્પાયરે કેચ થર્ડ એમ્પાયરને ન મોકલવાનો નિર્ણય લીધો અને તેને માન્ય જાહેર કર્યો. જ્યારે રાઠીએ કેચ લીધો, ત્યારે બાઉન્ડ્રી લાઈન પર રહેતો જાહેરાતની બાઉન્ડ્રી પણ થોડી ધ્રુજતી જોવા મળી. KKRના ઓપનિંગ બેટ્સમેન ફિન એલનના કેચ અંગે શંકાસ્પદ ભૂલ ઓન-ફિલ્ડ એમ્પાયરની છે જેમણે કેચને થર્ડ એમ્પાયરને રિફર કરવામાં નિષ્ફળ રહ્યા હતા.
વધુમાં જો ફિન એલન, જે દિગ્વેશ રાઠી દ્વારા કેચ પકડ્યા પછી તરત જ મેદાનની બહાર ચાલ્યો ગયો હતો, તેને કેચનો થર્ડ એમ્પાયર રિવ્યુ માગ્યો હોત તો તેને તપાસી શકાયો હોત.
આ પણ વાંચો: GT Vs RR: શુભમન ગિલ રાજસ્થાન સામેની મેચમાંથી કેમ થયો બહાર? રાશિદ ખાને કર્યો મોટો ખુલાસો