ઈન્ડિયન પ્રીમિયર લીગની 19મી સીઝનમાં ખેલાડીઓ દ્વારા વારંવાર પ્રોટોકોલના ઉલ્લંઘનને લઈને BCCIએ તમામ ફ્રેન્ચાઈઝીઓને આઠ પાનાની નવી માર્ગદર્શિકા જાહેર કરી છે. વેપિંગ અથવા ઈ-સિગારેટ આ પાછળનું એક મુખ્ય કારણ માનવામાં આવે છે.
રાજસ્થાન રોયલ્સના કેપ્ટન રિયાન પરાગનો ડ્રેસિંગ રૂમમાં ધૂમ્રપાન કરતો એક વીડિયો સામે આવ્યો હતો, ત્યારબાદ પંજાબ કિંગ્સના લેગ-સ્પિનર યુઝવેન્દ્ર ચહલનો ફ્લાઈટમાં વેપિંગ કરતો એક વીડિયો સામે આવ્યો હતો. BCCIએ પરાગના કેસમાં કાર્યવાહી કરી હતી, પરંતુ યુઝવેન્દ્ર ચહલના સંદર્ભમાં હજુ સુધી કોઈ સત્તાવાર નિવેદન જાહેર કરવામાં આવ્યું નથી. ભૂતપૂર્વ ભારતીય ખેલાડી લક્ષ્મણ શિવરામકૃષ્ણને આ અંગે કડક પ્રતિક્રિયા આપી છે.
જો તેને આ કર્યું હોય, તો તેમને જેલમાં જવું જોઈએ
સોશિયલ મીડિયા પર વાયરલ થયેલા ફ્લાઈટની અંદર યુઝવેન્દ્ર ચહલના વેપિંગના વીડિયોને અર્શદીપ સિંહના પોડકાસ્ટમાંથી વાયરલ ક્લિપ સાથે જોડવામાં આવી રહ્યો છે. પરંતુ હજુ સુધી એ સ્પષ્ટ નથી કે આ વીડિયો સાચો છે કે તેની સાથે છેડછાડ કરવામાં આવી છે, કારણ કે BCCI કે કોઈ સત્તાવાર એજન્સી તરફથી કોઈ પુષ્ટિ મળી નથી.
https://twitter.com/CricketCentrl/status/2052679430506443173
લક્ષ્મણ શિવરામકૃષ્ણને સોશિયલ મીડિયા પ્લેટફોર્મ એક્સ પર એક પોસ્ટમાં લખ્યું છે કે જો દેશમાં વેપિંગ પર પ્રતિબંધ છે, તો જો આ લોકોએ આવું કર્યું હોય તો તેમને જેલમાં જવું જોઈએ. જો તેનો અમલ ન થાય તો કાયદો બનાવવાનો શું અર્થ છે? આ કિસ્સામાં 25 ટકા દંડ ખૂબ જ નાની સજા છે. જો કોઈ સામાન્ય વ્યક્તિએ આવું કર્યું હોય, તો તેમની સામે શું કાર્યવાહી કરવામાં આવશે?
બીસીસીઆઈની નવી માર્ગદર્શિકામાં ઈ-સિગારેટનો પણ છે ઉલ્લેખ
BCCI દ્વારા IPL ફ્રેન્ચાઈઝીઓને જાહેર કરાયેલા આઠ પાનાની નવી માર્ગદર્શિકામાં ઈ-સિગારેટનો પણ ઉલ્લેખ છે, જેમાં સ્પષ્ટ કરવામાં આવ્યું છે કે ટીમ ડ્રેસિંગ રૂમ, પ્રેક્ટિસ એરિયા અને ટીમ હોટલમાં ઈ-સિગારેટ અને તમામ પ્રતિબંધિત પદાર્થોનો ઉપયોગ સખત પ્રતિબંધિત છે. આ નિયમોનું ઉલ્લંઘન કરનાર કોઈપણ વ્યક્તિ કડક કાર્યવાહીનો સામનો કરશે.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?
