IPL 2026ની 66મી મેચ અમદાવાદના નરેન્દ્ર મોદી સ્ટેડિયમ ખાતે ચેન્નાઈ સુપર કિંગ્સ અને ગુજરાત ટાઈટન્સ વચ્ચે રમાઈ રહી છે. આ બંને ટીમો માટે આ સીઝનની છેલ્લી લીગ મેચ છે. નરેન્દ્ર મોદી સ્ટેડિયમ ખાતે મેચ શરૂ થતાંની સાથે જ આઈપીએલમાં લાંબા સમયથી ચાલતી પરંપરા તૂટી ગઈ, જેનાથી કરોડો ફેન્સના દિલ તૂટી ગયા.
18 વર્ષ પછી IPLના ઈતિહાસમાં આ પહેલી વાર છે જ્યારે મહેન્દ્ર સિંહ ધોની આખી સીઝનમાં એક પણ લીગ મેચ રમ્યો નથી. ઈજાને કારણે એમએસ ધોની આઈપીએલ 2026 ના લીગ સ્ટેજની બધી મેચમાંથી બહાર રહ્યો.
IPL 2026 પ્રી-સીઝન કેમ્પ દરમિયાન એમએસ ધોનીને પગમાં ઈજા થઈ હતી. સીઝનની શરૂઆતમાં ટીમ મેનેજમેન્ટને અપેક્ષા હતી કે તે બે અઠવાડિયામાં સ્વસ્થ થઈ જશે, પરંતુ એમએસ ધોની ક્યારેય રમવા માટે સંપૂર્ણપણે ફિટ જોવા મળ્યો નહીં.
સમય જતાં એમએસ ધોનીની સમસ્યાઓ વધી ગઈ. લીગ સ્ટેજની અંતિમ મેચો દરમિયાન તેને અંગૂઠામાં નવી ઈજા થઈ. મીડિયા રિપોર્ટ્સ મુજબ એમએસ ધોની રિકવરી માટે રાંચી પાછો ફર્યો છે. પરંતુ ટીમ મેનેજમેન્ટનું કહેવું છે કે જો ચેન્નાઈ સુપર કિંગ્સ પ્લેઓફ માટે ક્વોલિફાય થાય છે, તો એમએસ ધોની ફરીથી ટીમમાં જોડાઈ શકે છે.
તમને જણાવી દઈએ કે એમએસ ધોની આઈપીએલના ઈતિહાસમાં સૌથી અનુભવી અને સૌથી વધુ કેપ્ડ ખેલાડીઓમાંનો એક છે. આ પહેલા એમએસ ધોનીએ દરેક આઈપીએલ સીઝનમાં ઓછામાં ઓછી 10 કે તેથી વધુ મેચ રમી હતી, પરંતુ આ પહેલી વાર છે જ્યારે તે એક પણ લીગ મેચ રમ્યા વિના આખી સીઝન ચૂકી ગયો છે.
એમએસ ધોનીએ તેની આઈપીએલ કરિયરમાં કુલ 278 મેચ રમી છે, જેમાં 5,439 રન બનાવ્યા છે. તમને જણાવી દઈએ કે એમએસ ધોનીની કેપ્ટનશીપ હેઠળ, ચેન્નઈએ 5 વખત આઈપીએલ ટાઈટલ જીત્યું છે.
ગુજરાત અને ચેન્નાઈ વચ્ચેની મેચ CSK માટે કરો યા મરો જેવી છે. પ્લેઓફની રેસમાં ટકી રહેવા માટે ચેન્નાઈ માટે આ મેચ જીતવી ખૂબ જ મહત્વપૂર્ણ છે. પ્લેઓફમાં પહોંચવા માટે ચેન્નાઈને ગુજરાત ટાઈટન્સ સામે મોટી જીતની જરૂર પડશે, પરંતુ તેમને અન્ય ટીમોના પરિણામો પર પણ આધાર રાખવો પડશે.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?