IPL 2026ની 63મી મેચમાં ચેન્નાઈ સુપર કિંગ્સ અને સનરાઈઝર્સ હૈદરાબાદ વચ્ચે MA ચિદમ્બરમ સ્ટેડિયમ ખાતે જબરદસ્ત મુકાબલો રમાઈ રહ્યો છે. મેચમાં ચેન્નાઈ સુપર કિંગ્સે ટોસ જીતીને પ્રથમ બેટિંગ કરવાનો નિર્ણય લીધો હતો અને હૈદરાબાદ સામે જીત માટે 181 રનનું લક્ષ્ય મુક્યું. પરંતુ મેચ દરમિયાન એક એવી ઘટના બની કે જેના કારણે સ્ટેડિયમમાં બેઠેલા ફેન્સમાં અચાનક જ ઉત્સાહનો માહોલ છવાઈ ગયો.

ધોનીના મેદાનમાં ઉતરતો હોવાનો વીડિયો સોશિયલ મીડિયામાં વાયરલ

ઈનિંગ બ્રેક દરમિયાન અચાનક જ મહેન્દ્ર સિંહ ધોની મેદાનમાં દેખાતા જ સમગ્ર સ્ટેડિયમ 'થાલા... થાલા...'ના નારાથી ગૂંજી ઉઠ્યું. ધોનીને જોઈને ફેન્સમાં આશ્ચર્ય સાથે ભારે ખુશી જોવા મળી હતી. તમને જણાવી દઈએ કે ધોની કોઈ મેચ રમવા માટે નહીં, પરંતુ એક ખાસ ફોટોશૂટ માટે મેદાનમાં ઉતર્યા હતા.

તેમ છતાં, તેમની માત્ર એક ઝલક જોવા માટે પણ ફેન્સ આતુર હતા. સોશિયલ મીડિયા પર પણ ધોનીના મેદાનમાં આવવાના વીડિયો અને તસવીરો ઝડપથી વાયરલ થઈ રહ્યા છે.

https://twitter.com/M17vibes/status/2056407208129376286

ફેન્સ માટે આ ક્ષણ યાદગાર બની ગઈ

આ વર્ષે IPL દરમિયાન ધોની હજુ સુધી એક પણ મેચ રમવા માટે મેદાનમાં ઉતર્યા નથી, જેના કારણે ફેન્સ તેમની વાપસીની રાહ જોઈ રહ્યા છે. દરેક મેચમાં ફેન્સને આશા રહે છે કે કદાચ આજે ધોની રમતા જોવા મળશે.

ચેન્નાઈના હોમ ગ્રાઉન્ડ પર ધોનીની હાજરીએ ફરી એકવાર સાબિત કર્યું કે તેમનો ક્રેઝ હજુ પણ કરોડો ક્રિકેટપ્રેમીઓમાં યથાવત છે. ધોનીના અચાનક આગમનથી મેચનું વાતાવરણ વધુ રોમાંચક બની ગયું અને ફેન્સ માટે આ ક્ષણ યાદગાર બની રહી.

આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?