રાજસ્થાન રોયલ્સ (RR) અને રોયલ ચેલેન્જર્સ બેંગલુરુ (RCB) વચ્ચેના મુકાબલામાં આજે સ્ટેડિયમ સજ્જ હતું, પણ બેંગલુરુની શરૂઆત અત્યંત ખરાબ રહી. જોફ્રા આર્ચરે મેચના પહેલા જ બોલ પર RCBના વિસ્ફોટક ઓપનર ફિલ સોલ્ટને પેવેલિયન ભેગો કરીને સનસનાટી મચાવી દીધી હતી. આ સાથે જ સોલ્ટના નામે એક એવો રેકોર્ડ નોંધાયો છે જે કોઈ બેટ્સમેન પોતાના નામે કરવા ઈચ્છશે નહીં.
ફિલ સોલ્ટનો 'અનલકી' રેકોર્ડ
ફિલ સોલ્ટ આઈપીએલના ઈતિહાસમાં પ્રથમ એવો બેટ્સમેન બન્યો છે જે મેચના પહેલા જ બોલ પર (Golden Duck) ત્રણ વખત આઉટ થયો હોય. જોફ્રા આર્ચરનો આ મિડલ સ્ટમ્પ પરનો ખતરનાક બાઉન્સર સોલ્ટ સમજી શક્યો નહીં અને બોલ બેટના હેન્ડલને અડીને વિકેટકીપર ધ્રુવ જુરેલના હાથમાં ગયો.