IPL 2026ની પહેલી મેચ રોયલ ચેલેન્જર્સ બેંગલુરુ અને સનરાઈઝર્સ હૈદરાબાદ વચ્ચે શનિવાર, 28 માર્ચે રમાઈ રહી છે. આ મેચમાં RCBના ખેલાડીઓ હાથ પર કાળી પટ્ટી પહેરીને મેદાનમાં ઉતરી છે. તો તમને જણાવી દઈએ કે હૈદરાબાદ સામે બેંગલુરુના ખેલાડીઓ હાથે કાળી પટ્ટી કેમ પહેરી છે.

તો તમને જણાવી દઈએ કે RCB ટીમ ગયા સિઝનમાં ખિતાબ જીત્યા પછી સ્ટેડિયમની બહાર વિક્ટ્રી પરેડ દરમિયાન થયેલી ભાગદોડમાં જીવ ગુમાવનારા તેમના 11 ફેન્સને શ્રદ્ધાંજલિ આપવા માટે તેમના હાથ પર કાળી પટ્ટી પહેરી છે.

ફ્રેન્ચાઈઝીએ આપ્યું નિવેદન

આરસીબીએ એક નિવેદનમાં જણાવ્યું હતું કે, "રોયલ ચેલેન્જર્સ બેંગલુરુ આરસીબી પરિવારના 11 સભ્યોને શ્રદ્ધાંજલિ આપશે જેમણે એક દુર્ભાગ્યપૂર્ણ ઘટનામાં દુ:ખદ રીતે પોતાનો જીવ ગુમાવ્યો હતો."

સ્ટેડિયમમાં 11 સીટ ખાલી રહેશે

નિવેદનમાં વધુમાં કહેવામાં આવ્યું છે કે, "સન્માનના પ્રતીક તરીકે ખેલાડીઓ વોર્મ-અપ દરમિયાન 11 નંબરવાળી પ્રેક્ટિસ જર્સી પહેરશે અને મેચ દરમિયાન કાળી પટ્ટી પહેરશે." નિવેદનમાં જણાવાયું છે કે ફેન્સના સન્માન માટે સ્ટેડિયમમાં 11 સીટ ખાલી રાખવામાં આવશે. આ ફ્રેન્ચાઈઝી માટે વિવિધ રીતે તેમનું સન્માન કરવાનો એક માર્ગ હશે.

RCB ચિન્નાસ્વામી સ્ટેડિયમમાં 5 મેચ રમશે

તમને જણાવી દઈએ કે RCB બેંગલુરુના એમ. ચિન્નાસ્વામી સ્ટેડિયમમાં 5 હોમ મેચ રમશે. ટીમની બાકીની 2 હોમ મેચ રાયપુરમાં રમાશે. રિલીઝમાં એમ પણ કહેવામાં આવ્યું છે કે બેંગલુરુમાં IPL મેચો યોજાશે કે નહીં તે અંગેનો નિર્ણય કર્ણાટક સરકાર દ્વારા રચાયેલી નિષ્ણાત સમિતિ દ્વારા લેવામાં આવશે. સ્ટેડિયમની તમામ વિગતોની સમીક્ષા કર્યા પછી નિર્ણય RCBના પક્ષમાં આવ્યો.

RCBએ ટોસ જીત્યો

રોયલ ચેલેન્જર્સ બેંગલુરુના કેપ્ટન રજત પાટીદારે ટોસ જીતીને પહેલા બોલિંગ કરવાનો નિર્ણય લીધો. સનરાઈઝર્સ હૈદરાબાદ પ્રથમ બેટિંગ કરશે. ઈશાન કિશન સનરાઇઝર્સ હૈદરાબાદનો બીજો સૌથી યુવા કેપ્ટન બન્યો છે. વિરાટ કોહલી અને ફિલ સોલ્ટ ઈનિંગની શરૂઆત કરશે.

રોયલ ચેલેન્જર્સ બેંગલુરુની પ્લેઈંગ ઈલેવન

વિરાટ કોહલી, ફિલ સોલ્ટ, રજત પાટીદાર (કેપ્ટન), જિતેશ શર્મા (વિકેટકીપર), ટિમ ડેવિડ, રોમારીયો શેફર્ડ, ક્રુણાલ પંડ્યા, ભુવનેશ્વર કુમાર, અભિનંદન શર્મા, જેકબ ડફી, સુયશ શર્મા

સનરાઈઝર્સ હૈદરાબાદની પ્લેઈંગ ઈલેવન

અભિષેક શર્મા, ટ્રેવિસ હેડ, ઈશાન કિશન (વિકેટકીપર/કેપ્ટન), હેનરિક ક્લાસેન, અનિકેત વર્મા, નીતિશ કુમાર રેડ્ડી, સલિલ અરોરા, હર્ષ દુબે, હર્ષલ પટેલ, જયદેવ ઉનડકટ, ઈશાન મલિંગા

આ પણ વાંચો: Suryakumar Yadav, હાર્દિક પંડ્યા અને શિવમ દુબેએ છોડ્યો ટીમ ઈન્ડિયાનો સાથ, BCCI પર ઉઠ્યા સવાલો!