જ્યારે વિરાટ કોહલી ગુવાહાટી પહોંચ્યો ત્યારે તેને જોવા માટે એરપોર્ટ પર મોટી સંખ્યામાં ફેન્સ ઉમટી પડ્યા હતા. IPL 2026 માં રોયલ ચેલેન્જર્સ બેંગલુરુની આગામી મેચ રાજસ્થાન રોયલ્સ સામે બારસાપારા ક્રિકેટ સ્ટેડિયમ ખાતે છે.

રાજસ્થાને મંગળવારે આ જ મેદાન પર મુંબઈ ઈન્ડિયન્સને હરાવ્યું, જેમાં વૈભવ સૂર્યવંશીએ 39 રન અને યશસ્વી જયસ્વાલે 77 શાનદાર રન બનાવ્યા.

મંગળવારે ગુવાહાટીમાં વરસાદ પડ્યો હતો, જેના કારણે રાજસ્થાન વિરુદ્ધ મુંબઈ મેચ લગભગ 3 કલાક મોડી શરૂ થઈ હતી. દરેક મેચ 11 ઓવરની હતી. મંગળવારે જ્યારે રોયલ ચેલેન્જર્સ બેંગલુરુની ટીમ ગુવાહાટી પહોંચી ત્યારે હવામાન ઠંડુ હતું. વિરાટ કોહલી જેકેટ પહેરેલો જોવા મળ્યો હતો.

એરપોર્ટ પર ફેન્સ થયા એકઠાં

વિરાટ કોહલીને જોવા માટે એરપોર્ટ પર મોટી સંખ્યામાં ફેન્સ એકઠા થયા હતા . કેટલાક તેમના મોબાઈલ ફોનમાં તેના વીડિયો કેપ્ચર કરી રહ્યા હતા, જ્યારે કેટલાક વિરાટ કોહલીનો ઓટોગ્રાફ મેળવવાની આશામાં હતા. ટીમ બસની બહાર પણ મોટી સંખ્યામાં ફેન્સ એકઠા થયા હતા. આ વીડિયો આસામ ક્રિકેટ એસોસિએશનના સોશિયલ મીડિયા પેજ પર શેર કરવામાં આવ્યો હતો.

https://www.instagram.com/reels/DW1k2Skjg2_/

રોયલ ચેલેન્જર્સ બેંગલુરુ અને રાજસ્થાન રોયલ્સ બંને IPL 2026માં અજેય રહ્યા છે. RCB સતત 2 મેચ જીતીને ગુવાહાટી પહોંચ્યું, 4 પોઈન્ટ અને +2.501 ના નેટ રન રેટ સાથે. RCB પછી રાજસ્થાન રોયલ્સના +2.403 નેટ રન રેટ બેસ્ટ છે, પરંતુ રાજસ્થાન પોઈન્ટમાં આગળ છે. રાજસ્થાન પહેલાથી જ જીતની હેટ્રિક હાંસલ કરી ચૂક્યું છે અને તેના 6 પોઈન્ટ છે.

RCBની આગામી મેચ ક્યારે છે?

રાજસ્થાન રોયલ્સ અને રોયલ ચેલેન્જર્સ બેંગલુરુ વચ્ચેની મેચ શુક્રવાર, 10 એપ્રિલના રોજ છે. આ મેચ બારસાપારા ક્રિકેટ સ્ટેડિયમ ખાતે સાંજે 7:30 વાગ્યાથી રમાશે.

આ પણ વાંચો: GT Vs RR: શુભમન ગિલ રાજસ્થાન સામેની મેચમાંથી કેમ થયો બહાર? રાશિદ ખાને કર્યો મોટો ખુલાસો