IPL 2026 ની 47મી મેચમાં રોહિત શર્માએ પોતાની વિસ્ફોટક બેટિંગથી પાછા ફરતાની સાથે જ MI ફેન્સને ધમાકેદાર બેટિંગ આપી દીધી. એક ઈમ્પેક્ટ પ્લેયર તરીકે આવતા રોહિતે પાવરપ્લેની છેલ્લી ઓવરમાં એવી રીતે હુમલો કર્યો કે તેને મેચનો રસ્તો બદલી નાખ્યો.

લખનૌ સુપર જાયન્ટ્સના વિશાળ સ્કોરનો પીછો કરવા આવતા રોહિત શર્મા અને રાયન રિકલ્ટને મળીને મુંબઈની ઈનિંગની ધમાકેદાર શરૂઆત કરી. બંનેએ મળીને 5 ઓવરમાં 50 રન બનાવ્યા. આ પછી બેટિંગ પાવરપ્લેની છેલ્લી ઓવરમાં રોહિત શર્માનું તોફાન આવ્યું, જેમાં ચોગ્ગા અને છગ્ગાનો વરસાદ થયો.

રોહિત શર્માએ આવેશ ખાનની આ ઓવરમાં સતત 4 બાઉન્ડ્રી ફટકારી, જેમાં 20 થી વધુ રન બનાવ્યા. તેને ઓવરની શરૂઆત ડોટ બોલથી કરી, પરંતુ પછી સતત 2 ચોગ્ગા અને 2 છગ્ગા ફટકારીને આવેશ ખાનને હેરાન કરી નાખ્યો. રોહિતે ઓવરના છેલ્લા બોલ પર 1 સિંગલ રન બનાવ્યો. આ રીતે આવેશ ખાને તેની ઓવરમાં કુલ 21 રન આપ્યા. આ મોંઘા ઓવરને કારણે મુંબઈ ઈન્ડિયન્સ 6 ઓવરમાં એક પણ વિકેટ ગુમાવ્યા વિના સ્કોરબોર્ડ પર 71 રન બનાવવામાં સફળ રહી.

રાયન અને રોહિતે તોફાની અડધી સદી ફટકારી

પાવરપ્લે સમાપ્ત થયા પછી રાયન રિકેલ્ટને 8મી ઓવરમાં 22 બોલમાં અડધી સદી ફટકારી. રોહિત શર્માએ 9મી ઓવરમાં 27 બોલમાં અડધી સદી ફટકારીને મુંબઈને મજબૂત સ્થિતિમાં પહોંચાડ્યું. 10 ઓવરના અંત સુધીમાં બંને બેટ્સમેનોએ 127 રનની પાર્ટનરશીપ કરી લીધી હતી. લખનૌના બોલર મોહસીન ખાન 11મી ઓવરમાં આ મજબૂત પાર્ટનરશીપ તોડવામાં સફળ રહ્યો. રાયન 32 બોલમાં 83 રન બનાવીને આઉટ થયો. રોહિત શર્મા પણ 14મી ઓવરમાં મણિમારન સિદ્ધાર્થનો શિકાર બન્યો. રોહિત 84 રન બનાવીને આઉટ થયો. તેને પોતાની તોફાની ઈનિંગમાં 6 ચોગ્ગા અને 7 છગ્ગા ફટકાર્યા.

સૌથી ઝડપી ફિફ્ટીનો રેકોર્ડ બનાવ્યો

રોહિત શર્માએ લખનૌ સુપર જાયન્ટ્સ સામે 27 બોલમાં પોતાનો અડધી સદી ફટકારી હતી. આ IPLમાં LSG સામેની તેની સૌથી ઝડપી અડધી સદી છે અને તેના સમગ્ર કરિયરનો ચોથી સૌથી ઝડપી અડધી સદી છે. આ વાનખેડે સ્ટેડિયમ ખાતે રોહિતની સૌથી ઝડપી અડધી સદી પણ છે. ઈન્ડિયન પ્રીમિયર લીગમાં રોહિતની સૌથી ઝડપી અડધી સદી આ વર્ષની શરૂઆતમાં કોલકાતા નાઈટ રાઈડર્સ સામે 23 બોલમાં ફટકારવામાં આવી હતી.

23 બોલ - Vs KKR

25 બોલ - Vs CSK

26 બોલ - Vs PBKS

27 બોલ - Vs LSG

મુંબઈને 229 રનનો ટાર્ગેટ મળ્યો

આ મેચમાં મુંબઈ ઈન્ડિયન્સે ટોસ જીતીને પ્રથમ બોલિંગ કરવાનો નિર્ણય લીધો હતો. નિયમિત કેપ્ટન હાર્દિક પંડ્યાની ગેરહાજરીમાં સૂર્યકુમાર યાદવે ટીમનું નેતૃત્વ કર્યું હતું. પ્રથમ બેટિંગ કરતા લખનૌએ શાનદાર પ્રદર્શન કર્યું, 20 ઓવરમાં 5 વિકેટે 228 રનનો વિશાળ સ્કોર બનાવ્યો. નિકોલસ પૂરને 21 બોલમાં 63 રનની ધમાકેદાર ઈનિંગ રમી, જ્યારે મિચેલ માર્શે 44 રનનું યોગદાન આપ્યું.

આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?