ઈડન ગાર્ડન્સ એક સમયે ટીમ ઈન્ડિયા અને મુંબઈ ઈન્ડિયન્સના બેટ્સમેન રોહિત શર્મા માટે ભાગ્યશાળી સ્થળ માનવામાં આવતું હતું. અહીં રોહિતે ODI ક્રિકેટમાં સૌથી વધુ વ્યક્તિગત સ્કોર બનાવ્યો હતો. 2014 માં તેણે શ્રીલંકા સામે 173 બોલમાં 264 રનની ઐતિહાસિક ઈનિંગ રમી હતી.
પરંતુ છેલ્લા કેટલાક સમયથી એવું લાગે છે કે આ મેદાન તેને નજર લાગી ગઈ છે. ખાસ કરીને IPLમાં જ્યારે પણ તે ત્યાં બેટિંગ કરવા આવ્યો છે, ત્યારે તેને રન બનાવવા સંઘર્ષ કરવો પડ્યો છે.
IPL 2026માં 20 મે ના રોજ ઈડન ગાર્ડન્સ ખાતે મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે મેચ રમાઈ હતી. આ મેચમાં પણ રોહિત 13 બોલમાં માત્ર 15 રન બનાવીને આઉટ થયો. તમને જણાવી દઈએ કે વર્ષ 2017 પછી રોહિત આ મેદાન પર રન બનાવવા માટે સંઘર્ષ જોવા મળ્યો છે. 2017 થી અત્યાર સુધી રોહિતે IPL માં ઈડન ગાર્ડન્સ ખાતે 5 ઈનિંગમાં બેટિંગ કરી છે અને આ સમયગાળા દરમિયાન તેને 21.80 ની એવરેજથી 109 રન બનાવ્યા છે. જ્યારે તે પહેલાં 2011 થી 2016 સુધી, રોહિતે આ મેદાન પર 8 ઈનિંગમાં બેટિંગ કરી હતી અને ત્યાં તેને 77.80 ની એવરેજથી 389 રન બનાવ્યા હતા અને તેનો સ્ટ્રાઈક રેટ પણ 152 થી વધુ હતો.
કોલકાતા નાઈટ રાઈડર્સ સામેની મેચમાં રોહિત શર્માનું બેટિંગ પ્રદર્શન સારા ફોર્મમાં હતું. આઉટ થયા પહેલા તેને સૌરભ દુબેના બોલ પર શાનદાર સિક્સર ફટકારી. પરંતુ સૌરભ દુબેએ બીજા જ બોલ પર ગતિ બદલી નાખી અને રોહિતને તેના ટ્રેકમાં ફસાવી દીધો. રોહિતને આઉટ કરવાના પ્રયાસમાં સૌરભ દુબેએ ફુલ-લેન્થ બોલ ફેંક્યો. રોહિતે સિક્સર મારવાનો પ્રયાસ કર્યો, પરંતુ બોલ હવામાં ઊંચો ગયો, અને કેમેરોન ગ્રીને શાનદાર કેચ પકડ્યો, જેનાથી સૌરભ દુબેને સફળતા મળી.
રોહિત શર્માની વાત કરીએ તો તે ચાલુ IPL સીઝન દરમિયાન ફિટનેસ સમસ્યાઓથી પીડાઈ રહ્યો છે. RCB સામેની મેચ દરમિયાન તેને હેમસ્ટ્રિંગની ઈજા થઈ હતી, જેના કારણે તે 4 મેચમાંથી બહાર રહ્યો હતો. લખનૌ સામેની મેચમાં તેને 84 રન બનાવીને જોરદાર વાપસી કરી હતી, પરંતુ ત્યારથી તે સતત 3 ઈનિંગમાં મોટો સ્કોર કરવામાં નિષ્ફળ રહ્યો છે. મુંબઈ ઈન્ડિયન્સ રાજસ્થાન રોયલ્સ સામે પોતાની અંતિમ લીગ મેચ રમશે.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?