બુધવારે યોજાયેલી રોમાંચક મેચમાં ગુજરાત ટાઇટન્સે દિલ્હી કેપિટલ્સને 1 રનથી હરાવ્યું. શુભમન ગિલ સહિત ગુજરાતના 3 બેટ્સમેનોએ અડધી સદી ફટકારી હતી, જેના કારણે ટીમ 210 રનના સ્કોર સુધી પહોંચી શકી હતી. દિલ્હી તરફથી કે.એલ. રાહુલે 92 અને પથુમ નિસાંકાએ 41 રન બનાવી સારી શરૂઆત આપી હતી. ડેવિડ મિલર છેલ્લે સુધી લડ્યો પણ અંતે ગુજરાતનો વિજય થયો. મેચ બાદ ગિલ પર 12 લાખનો દંડ ફટકારવામાં આવ્યો છે.
ગિલ પર કેમ દંડ થયો?
સ્લો-ઓવર રેટને કારણે શુભમન ગિલ પર દંડ કરવામાં આવ્યો છે. IPLના નિવેદન મુજબ, દિલ્હી કેપિટલ્સ સામેની મેચમાં ધીમી ઓવર ગતિ રાખવા બદલ ગુજરાતના કેપ્ટન શુભમન ગિલને દંડ થયો છે. આ સીઝનમાં ટીમનો આ પહેલો ગુનો હોવાથી ગિલ પર 12 લાખ રૂપિયાનો દંડ લાગ્યો છે. જો ગુજરાત ટાઇટન્સ ફરી આવી ભૂલ કરશે, તો કેપ્ટન પર 24 લાખ અને બાકીના ખેલાડીઓ પર 12-12 લાખનો દંડ થશે. જોકે, હવે ત્રીજી ભૂલ પર કેપ્ટન પર એક મેચનો પ્રતિબંધ મુકવાનો નિયમ હટાવી દેવામાં આવ્યો છે.