Vaibhav Sooryavanshi પોતાનું 'જાદુઈ' બેટ આપવા તૈયાર, જાણો કોને મળશે આ ખાસ ભેટ?

IPL 2026માં રાજસ્થાન રોયલ્સના યુવા સ્ટાર વૈભવ સૂર્યવંશીએ પોતાની વિસ્ફોટક બેટિંગથી ક્રિકેટ જગતમાં ધૂમ મચાવી દીધી છે. માત્ર 15 વર્ષની ઉંમરે તેને પોતાની આક્રમક બેટિંગ અને મોટા શોટ્સથી બધાને પ્રભાવિત કર્યા છે.

આ દરમિયાન રાજસ્થાન રોયલ્સે તેમના ઓફિશિયલ સોશિયલ મીડિયા એકાઉન્ટ પર એક રસપ્રદ વીડિયો શેર કર્યો છે, જે ઝડપથી વાયરલ થઈ રહ્યો છે. આ વીડિયોમાં વૈભવ સૂર્યવંશી રોયલ ચેલેન્જર્સ બેંગલુરુના વિકેટકીપર-બેટ્સમેન જીતેશ શર્મા સાથે મસ્તી કરતો જોવા મળે છે.

વૈભવ સૂર્યવંશી પોતાનું બેટ કોને આપશે?

રાજસ્થાન રોયલ્સ દ્વારા શેર કરાયેલા આ વીડિયોમાં જીતેશ શર્મા પહેલા વૈભવને ગળે લગાવે છે અને પછી તેનું બેટ હાથમાં લે છે. થોડો આશ્ચર્યચકિત થઈને વૈભવ કહે છે, "અરે ભાઈ, તું આવું કેમ કરી રહ્યો છે?" પછી વૈભવ મજાકમાં કહે છે, "તમારી ટીમમાં આટલા બધા બેટ્સમેન છે, તું તેમની પાસેથી તે કેમ નથી લઈ રહ્યો?" જીતેશ શર્મા હસીને જવાબ આપે છે, "હું તેમની પાસે કેમ માગુ યાર, મિત્ર?" વૈભવ પછી કહે છે, "મેં તને કહ્યું હતું કે હું તને IPL પછી આપીશ, પણ તને જિદ છે કે અત્યારે જોઈએ."

આ રસપ્રદ વાતચીત પછી એ સ્પષ્ટ થઈ ગયું છે કે વૈભવ સૂર્યવંશી જીતેશ શર્માને પોતાનું બેટ ભેટમાં આપવા માટે સંમત થયો છે. તમને જણાવી દઈએ કે વૈભવ સામાન્ય રીતે પોતાના બેટ શેર કરતો નથી. આ પહેલી વાર છે જ્યારે તે કોઈ ખેલાડીને પોતાનું બેટ આપવા માટે સંમત થયો છે. પરંતુ જીતેશ શર્માએ આ ભેટ મેળવવા માટે સમગ્ર IPL 2026 સીઝન પૂરી થાય ત્યાં સુધી રાહ જોવી પડશે.

વૈભવ સૂર્યવંશીનું બેટ સારું ચાલી રહ્યું છે

વૈભવ સૂર્યવંશીએ IPL 2026 ની ધમાકેદાર શરૂઆત કરી છે. તેને ફક્ત 3 મેચમાં 122 રન બનાવ્યા છે. તેને ચેન્નાઈ સામેની પહેલી મેચમાં 52 રન બનાવ્યા હતા. ત્યારબાદ તેને ગુજરાત સામે 31 રન બનાવ્યા હતા. તેને મુંબઈ સામે પણ 39 રનની ધમાકેદાર ઈનિંગ રમી હતી, જેમાં જસપ્રીત બુમરાહના 2 છગ્ગાનો સમાવેશ થાય છે. તે હવે RCB સામે મેદાનમાં ઉતરશે.

આ પણ વાંચો: GT Vs RR: શુભમન ગિલ રાજસ્થાન સામેની મેચમાંથી કેમ થયો બહાર? રાશિદ ખાને કર્યો મોટો ખુલાસો