IPL 2026 પહેલા પ્રેમાનંદના દરબારમાં પહોંચ્યા વિરાટ કોહલી અને અનુષ્કા શર્મા, એક કલાક સુધી હાથ જોડીને સાંભળ્યો સત્સંગ

ટીમ ઈન્ડિયાના સ્ટાર ખેલાડી વિરાટ કોહલી ફરી એકવાર વૃંદાવન પહોંચ્યો છે. તે તેની પત્ની અનુષ્કા સાથે પ્રેમાનંદ મહારાજના દર્શન પણ કર્યા. તેઓ મંગળવારે સવારે 6 વાગ્યે પ્રેમાનંદ મહારાજને મળવા પહોંચ્યો.

વિરાટ અને અનુષ્કા બંને શાંતિથી બેઠા હતા અને એક કલાક સુધી સત્સંગ સાંભળ્યો અને ભક્તિમય મૂડમાં જોવા મળ્યા. પરત ફરતી વખતે તેમની કાર કેલી કુંજ આશ્રમની બહાર ટ્રાફિક જામમાં ફસાયેલી જોવા મળી હતી. આ સમય દરમિયાન તેમને જોવા માટે ભીડ એકઠી થતી જોવા મળી હતી.

3 વર્ષમાં ચોથી વખત પ્રેમાનંદ મહારાજને મળવા પહોંચ્યા વિરાટ-અનુષ્કા

છેલ્લા 3 વર્ષમાં આ ચોથી વખત છે જ્યારે વિરાટ કોહલી અને અનુષ્કા શર્મા પ્રેમાનંદ મહારાજને મળવા ગયા છે. આ કપલે છેલ્લી વાર 2 મહિના પહેલા જ તેમની મુલાકાત લીધી હતી. પ્રેમાનંદ મહારાજ પ્રત્યેની તેમની ભક્તિ સ્પષ્ટ છે. દર વર્ષે તેઓ મહારાજને મળે છે અને તેમના પ્રવચનો સાંભળે છે. હાલમાં ટીમ ઈન્ડિયા T20 વર્લ્ડકપમાં રમી રહી છે, જ્યારે વિરાટ તેના પરિવાર સાથે સમય વિતાવી રહ્યો છે.

કિંગ કોહલી IPLમાં રમતો જોવા મળશે

વિરાટ કોહલી છેલ્લે ન્યુઝીલેન્ડ સામેની સિરીઝમાં ટીમ ઈન્ડિયા તરફથી રમતો જોવા મળ્યો હતો. હવે તે માર્ચમાં IPLમાં રમશે. ગયા વર્ષે રજત પાટીદારની કેપ્ટનશીપમાં તેની ટીમ આરસીબીએ ટાઈટલ જીતીને 17 વર્ષના દુષ્કાળનો અંત લાવ્યો હતો. તેના ફોર્મને જોતાં એવું લાગે છે કે તે IPLમાં પણ બોલરોને ત્રાસ આપતો રહેશે. મળતી માહિતી મુજબ આઈપીએલ 26 માર્ચ 2026થી શરૂ થશે.

આ પણ વાંચો: Nepalએ પાકિસ્તાનને છોડ્યું પાછળ, T20 વર્લ્ડકપમાં સર્જાયો મોટો અપસેટ