Ishan Kishanએ 42 બોલમાં સદી ફટકારી, આ સિદ્ધિ મેળવનાર માત્ર બીજો ભારતીય ખેલાડી

T20 વર્લ્ડકપ પહેલા ઘણા સમય પછી ભારતીય ટીમમાં વાપસી કરનાર વિકેટકીપર બેટ્સમેન ઈશાન કિશને ન્યુઝીલેન્ડ સામેની 5મી T20 મેચમાં 42 બોલમાં સદી ફટકારી, જેમાં તે રોહિત શર્મા પછી ભારતનો બીજો ખેલાડી બન્યો છે, જેને વનડેમાં બેવડી સદી ફટકાર્યા બાદ T20 ઈન્ટરનેશનલમાં સદી ફટકારી છે.

આ મેચમાં ઈશાન કિશને 43 બોલનો સામનો કરીને 103 રનની ઈનિંગ રમ્યા બાદ પોતાની વિકેટ ગુમાવી દીધી, જેમાં ઈશાને તેની શાનદાર સદીની ઈનિંગ દરમિયાન કુલ 6 ચોગ્ગા અને 10 છગ્ગા ફટકાર્યા.

ન્યુઝીલેન્ડ સામે ખાસ સ્થાન મેળવ્યું

ટીમ ઈન્ડિયામાં પરત ફર્યા પછી ઈશાન કિશન જે રીતે બેટથી પ્રદર્શન કરી રહ્યો છે તે જોતાં તેને પ્લેઈંગ ઈલેવનમાંથી બહાર કાઢવો મુશ્કેલ બનશે. જ્યારે ઈશાન કિશન પાંચમી T20I માં બેટિંગ કરવા આવ્યો, ત્યારે તેને શરૂઆતમાં સાવધાનીપૂર્વક બેટિંગ કરી અને વધારે જોખમ ન લીધું, તેને 28 બોલમાં પોતાનો અડધી સદી બનાવી. આ પછી ઈશાન કિશન ઝડપથી રન બનાવવા લાગ્યો, ઈશ સોઢી દ્વારા ફેંકાયેલી 12મી ઓવરમાં 29 રન બનાવ્યા.

ન્યુઝીલેન્ડ સામે માત્ર 42 બોલમાં સદી ફટકારીને ઈશાન કિશન T20Iમાં કિવીઝ સામે સદી ફટકારનાર સૌથી ઝડપી ખેલાડી બન્યો. તે હવે T20I ફોર્મેટમાં સૌથી વધુ સદી ફટકારવાના મામલે ભારત માટે સંયુક્ત ચોથું સ્થાન ધરાવે છે, આ તેની સાતમી સદી છે.

ભારતીય ટીમે T20I મેચોમાં તેનો ત્રીજો સૌથી મોટો સ્કોર બનાવ્યો

ન્યુઝીલેન્ડ સામેની પાંચમી T20 મેચમાં ટીમ ઈન્ડિયાએ ખૂબ જ આક્રમક બેટિંગ પ્રદર્શન કર્યું, જેમાં ટીમે 20 ઓવરમાં 5 વિકેટ ગુમાવીને 271 રન બનાવ્યા. આ T20 ઈન્ટરનેશનલમાં ટીમ ઈન્ડિયાનો અત્યાર સુધીનો ત્રીજો સૌથી મોટો સ્કોર છે અને ન્યુઝીલેન્ડ સામે કોઈપણ ટીમનો સૌથી મોટો સ્કોર છે.

આ મેચમાં જ્યારે ઈશાન કિશને 103 રનની ઈનિંગ રમી, ત્યારે કેપ્ટન સૂર્યકુમાર યાદવે 63 રનની ઈનિંગ રમી. આ મેચમાં ટીમ ઈન્ડિયાએ કુલ 23 છગ્ગા ફટકાર્યા. પૂર્ણ સભ્ય ટીમ સામે T20 ઈન્ટરનેશનલમાં આ અત્યાર સુધીનો પાંચમો સૌથી મોટો સ્કોર છે.

આ પણ વાંચો: IND Vs NZ: ન્યુઝીલેન્ડે સતત ત્રણ હાર બાદ ટીમમાં ફેરફાર કર્યો, સ્ટાર ખેલાડીને મળી તક