T20 વર્લ્ડકપ ફાઈનલમાં ભારતના કેપ્ટન સૂર્યકુમાર યાદવે ટોસ હારી ગયો. ન્યુઝીલેન્ડના કેપ્ટન મિચેલ સેન્ટનરે ભારતીય ટીમને પહેલા બેટિંગ માટે આમંત્રણ આપ્યું. ન્યુઝીલેન્ડે આ મેચ માટે તેમની પ્લેઈંગ ઈલેવનમાં મહત્વપૂર્ણ ફેરફાર કર્યો.

ન્યુઝીલેન્ડે તેમના મોટા મેચ-વિનર કોલ મેકકોન્ચીને ટીમમાં છોડી દીધો અને જેકબ ડફીને સામેલ કર્યો. ભારતીય ટીમે તેમની પ્લેઈંગ ઈલેવનમાં કોઈ ફેરફાર કર્યો નથી.

ન્યુઝીલેન્ડે મેકકોન્ચીને ન આપી તક

સેમીફાઈનલમાં ટીમને જીત અપાવનાર કોલ મેકકોન્ચીને બહાર રાખીને ન્યુઝીલેન્ડે બધાને આશ્ચર્યચકિત કર્યા. આ ખેલાડી બેટિંગ સિવાય શાનાદર ઓફ-સ્પિન બોલિંગ પણ કરે છે. સેમીફાઈનલમાં સાઉથ આફ્રિકા સામે કોલ મેકકોન્ચીએ એક જ ઓવરમાં 2 વિકેટ લીધી હતી, પરંતુ ફાઈનલ માટે ટીમમાંથી તેને બહાર કરવામાં આવ્યો હતો.

કેપ્ટન સેન્ટનરે સમજાવ્યું કે તેને અમદાવાદની લાલ પીચને ધ્યાનમાં રાખીને આ નિર્ણય લીધો હતો. હકીકતમાં લાલ પીચથી ફાસ્ટ બોલરોને ફાયદો થાય છે, તેથી ન્યુઝીલેન્ડે 4 ફાસ્ટ બોલરોને મેદાનમાં ઉતાર્યા.

ભારતની પ્લેઈંગ ઈલેવન

અભિષેક શર્મા, સંજુ સેમસન, ઈશાન કિશન, સૂર્યકુમાર યાદવ, હાર્દિક પંડ્યા, શિવમ દુબે, અક્ષર પટેલ, તિલક વર્મા, જસપ્રીત બુમરાહ, અર્શદીપ સિંહ અને વરુણ ચક્રવર્તી.