T20 વર્લ્ડ કપ 2026માં ભારતે પાકિસ્તાનને 61 રનથી કારમી હાર આપી. ટીમ ઈન્ડિયાએ બેટ અને પછી બોલથી શાનદાર પ્રદર્શન કરીને સુપર 8માં સ્થાન મેળવ્યું હતું. ટીમ ઈન્ડિયાની જીતથી બધા ખુશ હતા, પરંતુ જીત બાદ સૂર્યકુમાર યાદવ કુલદીપ યાદવ પર નારાજ જોવા મળ્યો હતો. કુલદીપ યાદવે એક કેચ છોડ્યો, જેનાથી હાર્દિક પંડ્યા ગુસ્સે થયો. મેચ પછી હાથ મિલાવતા સમયે સૂર્યકુમાર યાદવ કુલદીપ પર ભડક્યો હતો. આનો એક વીડિયો હવે સોશિયલ મીડિયા પર ઝડપથી વાયરલ થઈ રહ્યો છે.
કુલદીપ યાદવ કેચ છોડ્યો
આખો વિવાદ પાકિસ્તાનની ઇનિંગ્સની 18મી ઓવર દરમિયાન શરૂ થયો. હાર્દિક પંડ્યા બોલિંગ કરી રહ્યો હતો અને શાહીન આફ્રિદી સામે હતો. ઓવરના બીજા બોલ પર હાર્દિકે શોર્ટ-પિચ બોલ ફેંક્યો, જેને શાહીન આફ્રિદીએ ફટકાર્યો હતો. બોલ બાઉન્ડ્રી લાઇનની નજીક ગયો જ્યાં કુલદીપ યાદવે એક સરળ કેચ છોડી દીધો. હાર્દિક પંડ્યા ગુસ્સે થયો હતો. જોકે તેણે તાત્કાલિક પ્રતિક્રિયા આપી ન હતી. કેપ્ટન સૂર્યકુમાર યાદવ પણ નાખુશ હતો. તે બંનેએ સંભવતઃ કુલદીપ સાથે વાત કરી હતી, જેનાથી તે ગુસ્સે થયો હતો.
