રાશિદ ખાને T20 વર્લ્ડ કપ 2026માં ઇતિહાસ રચી વિશ્વ રેકોર્ડ બનાવ્યો છે.ICC T20 વર્લ્ડ કપ 2026 માં અફઘાનિસ્તાન ક્રિકેટ ટીમ અને UAE ક્રિકેટ ટીમ વચ્ચેની મેચ દરમિયાન,અફઘાનિસ્તાનના કેપ્ટન અને T20 ક્રિકેટ ઇતિહાસના સૌથી સફળ સ્પિનર રાશિદ ખાને એક નવો રેકોર્ડ બનાવ્યો.અફઘાનિસ્તાનનો રાશિદ T20 ક્રિકેટમાં 700 વિકેટ લેનાર પ્રથમ બોલર બન્યો.T20 વર્લ્ડ કપની 28મી લીગ મેચ સોમવારે અફઘાનિસ્તાન અને UAE વચ્ચે રમાઈ હતી.આ મેચમાં રાશિદે UAE ના મોહમ્મદ અરફાનને આઉટ કરીને 700 વિકેટનો આંકડો પાર કર્યો.આ મેચ પહેલા રાશિદે T20 ક્રિકેટમાં 699 વિકેટ લીધી હતી.ત્યારબાદ,UAE સામેની મેચમાં રાશિદે 16મી ઓવરમાં અરફાનને આઉટ કરીને એક નોંધપાત્ર સફળતા મેળવી હતી.રાશિદે મેચમાં ફક્ત એક જ વિકેટ લીધી.વેસ્ટ ઈન્ડિઝનો ડ્વેન બ્રાવો 631 વિકેટ સાથે ફોર્મેટમાં સૌથી વધુ વિકેટ લેનારા ખેલાડીઓની યાદીમાં બીજા ક્રમે છે.
રાશિદ ખાને ઓછી મેચમાં વધુ વિકેટ લીધી
રાશિદે 518 T20 મેચમાં 700 વિકેટ લીધી. બીજા સ્થાને રહેલા બ્રાવોએ 582 મેચમાં 631 વિકેટ લીધી. આનો અર્થ એ થયો કે રાશિદે ઓછી મેચોમાં વધુ વિકેટ લીધી.
