ICC T20 વર્લ્ડકપ 2026 ની 13મી મેચમાં દક્ષિણ આફ્રિકા અને અફઘાનિસ્તાન આમને-સામને છે. અમદાવાદના નરેન્દ્ર મોદી સ્ટેડિયમમાં રમાઈ રહેલા આ મહત્વપૂર્ણ મેચમાં, દક્ષિણ આફ્રિકાના ઓપનર ક્વિન્ટન ડી કોકે પોતાની બેટિંગ કુશળતાથી ઇતિહાસ રચ્યો છે. ક્વિન્ટન ડી કોકે શાનદાર અડધી સદી ફટકારીને દક્ષિણ આફ્રિકાના દિગ્ગજ એબી ડી વિલિયર્સને પાછળ છોડી દીધા.
ક્વિન્ટન અને રાયને અડધી સદી ફટકારી
અફઘાનિસ્તાન સામે દક્ષિણ આફ્રિકાની ઇનિંગની શરૂઆત ખરાબ રહી. કેપ્ટન એડન માર્કરામ ત્રીજી ઓવરમાં આઉટ થયા. આ પછી, ઓપનર ડી કોક અને રાયને રિકલ્ટને ઇનિંગને સ્થિર કરી. બંને બેટ્સમેનોએ એક જ ઓવરમાં પોતાની અડધી સદી પૂરી કરી.રિકલ્ટને 23 બોલમાં ઝડપી અડધી સદી ફટકારી, જ્યારે ડી કોકે 34 બોલમાં ચોગ્ગા સાથે પોતાની અડધી સદી પૂરી કરી. બંનેએ 114 રનની શાનદાર ભાગીદારી કરી, ટીમને મજબૂત સ્થિતિમાં લાવી દીધી. દરમિયાન, ક્વિન્ટન ડી કોકે T20 વર્લ્ડ કપ ઇતિહાસમાં દક્ષિણ આફ્રિકા માટે સૌથી વધુ રન બનાવવાનો રેકોર્ડ બનાવ્યો છે. તેના નામે હવે T20 વર્લ્ડ કપમાં 737* રન છે, જે એબી ડી વિલિયર્સને પાછળ છોડી દીધો છે.
