T20 વર્લ્ડકપની અંતિમ લીગ સ્ટેજ મેચ 20 ફેબ્રુઆરીના રોજ ઓસ્ટ્રેલિયા અને ઓમાન વચ્ચે રમાઈ હતી. ઓસ્ટ્રેલિયાએ આ મેચ 9 વિકેટથી જીતી હતી. પરંતુ ઓસ્ટ્રેલિયા કે ઓમાન બંનેમાંથી કોઈ પણ ટીમ સુપર 8 માટે ક્વોલિફાય થઈ શક્યું નથી. તમને જણાવી દઈએ કે 40 લીગ સ્ટેજ મેચ પછી પોઈન્ટ ટેબલની સ્થિતિ શું છે?
જાણો કેવી છે પોઈન્ટ ટેબલની સ્થિતિ?
ગ્રુપ A માં ભારત 8 પોઈન્ટ સાથે આગળ છે, જ્યારે પાકિસ્તાન 6 પોઈન્ટ સાથે બીજા નંબરે છે. ગ્રુપ Bમાં ઝિમ્બાબ્વે 7 પોઈન્ટ સાથે આગળ છે, જ્યારે શ્રીલંકા 6 પોઈન્ટ સાથે બીજા નંબરે છે. આ સિવાય ગ્રુપ C માં વેસ્ટ ઈન્ડિઝ 8 પોઈન્ટ સાથે આગળ છે, જ્યારે ઈંગ્લેન્ડ 6 પોઈન્ટ સાથે બીજા નંબરે છે. ગ્રુપ D માં સાઉથ આફ્રિકા 8 પોઈન્ટ સાથે આગળ છે, જ્યારે ન્યુઝીલેન્ડ 6 પોઈન્ટ સાથે બીજા નંબરે છે.
21 ફેબ્રુઆરીથી શરૂ થશે સુપર 8 મેચ
T20 વર્લ્ડકપ 2026ની સુપર 8 મેચ 21 ફેબ્રુઆરીથી શરૂ થશે. કોલંબોમાં રમાનારી પહેલી મેચમાં પાકિસ્તાન અને ન્યુઝીલેન્ડ ટકરાશે. લીગ સ્ટેજમાં શાનદાર પ્રદર્શન બાદ બંને ટીમોની નજર હવે સુપર 8 સ્ટેજ પર છે.
T20 વર્લ્ડકપ 2026માં પાકિસ્તાન અને કિવી ટીમનું પ્રદર્શન કેવું રહ્યું?
T20 વર્લ્ડકપ 2026માં ન્યુઝીલેન્ડે કુલ 4 ગ્રુપ સ્ટેજ મેચ રમી હતી, જેમાં 3 જીતી હતી અને 1 હારી હતી. તેમની એકમાત્ર હાર સાઉથ આફ્રિકા સામે હતી. પાકિસ્તાને પણ આવી જ પરિસ્થિતિનો સામનો કરવો પડ્યો હતો, તેને 4 ગ્રુપ સ્ટેજ મેચ રમી હતી, જેમાં 3 જીતી હતી અને 1 હારી હતી. પાકિસ્તાનની એકમાત્ર હાર ટીમ ઈન્ડિયા સામે થઈ હતી. આ મેચમાં બંને ટીમો કેવું પ્રદર્શન કરે છે તે જોવું રસપ્રદ રહેશે.
આ પણ વાંચો: Nepalએ પાકિસ્તાનને છોડ્યું પાછળ, T20 વર્લ્ડકપમાં સર્જાયો મોટો અપસેટ
