8 માર્ચ પહેલા T20 વર્લ્ડકપના ઈતિહાસમાં કોઈ પણ ટીમે સતત ત્રણ ટાઈટલ જીતવાની સિદ્ધિ મેળવી ન હતી. પછી તે ક્ષણ આવી જેણે ઈતિહાસને સંપૂર્ણપણે બદલી નાખ્યો. સૂર્યકુમાર યાદવની કેપ્ટનશીપ હેઠળ ટીમ ઈન્ડિયાએ ફાઈનલમાં ન્યુઝીલેન્ડને હરાવીને T20 વર્લ્ડકપ 2026 જીત્યો.
આ રીતે ટીમ ઈન્ડિયા ઘરઆંગણે ટાઈટલ જીતનાર પહેલી ટીમ બની. ભારતીય ટીમ સૌથી વધુ ત્રણ ટાઈટલ જીતનાર પહેલી ટીમ છે.
ટીમ ઈન્ડિયાએ ઈતિહાસ બદલી નાખ્યો
અમદાવાદમાં ઐતિહાસિક જીત બાદ ટીમ ઈન્ડિયાના T20 ક્રિકેટમાં પ્રભુત્વ દર્શાવતો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં ભારતીય ક્રિકેટની ત્રણ સૌથી ઐતિહાસિક ક્ષણો દર્શાવવામાં આવી છે: 2007, 2024 અને 2026 T20 વર્લ્ડકપ જીત.
આ વીડિયોમાં સૌપ્રથમ 2007ની ઝલક જોવા મળે છે, જ્યારે યુવા કેપ્ટન એમએસ ધોનીની આગેવાની હેઠળ ટીમ ઈન્ડિયાએ પોતાની પહેલી આઈસીસી મેન્સ T20 વર્લ્ડકપ ખિતાબ જીત્યો હતો. જોહાનિસબર્ગમાં રોમાંચક ફાઈનલમાં પાકિસ્તાનને હરાવીને ભારતે ઈતિહાસ રચ્યો હતો. તે જીતથી ભારતીય ક્રિકેટમાં એક નવા યુગની શરૂઆત થઈ. પરંતુ ટીમ ઈન્ડિયાને બીજું ટાઈટલ જીતવામાં ઘણો સમય લાગ્યો.
વાયરલ વીડિયોમાં બીજી ક્લિપ 2024 માં એક યાદગાર ઘટનાને કેદ કરે છે, જ્યારે ભારતની કેપ્ટનશીપમાં રોહિત શર્માએ બાર્બાડોસમાં સાઉથ આફ્રિકાને હરાવીને 17 વર્ષમાં બીજી વખત T20 વર્લ્ડકપ જીત્યો હતો. ભારતે તે ફાઈનલ 7 રને જીતીને તેમની લાંબી રાહનો અંત લાવ્યો.
સોશિયલ મીડિયા પર વાયરલ થઈ રહ્યો છે VIDEO
ત્યારબાદ વીડિઓના અંતે 2026ની ઐતિહાસિક ક્ષણ આવે છે, જ્યારે સૂર્યકુમાર યાદવની કેપ્ટનશીપ હેઠળ ટીમ ઈન્ડિયાએ અમદાવાદના નરેન્દ્ર મોદી સ્ટેડિયમ ખાતે ન્યુઝીલેન્ડને 96 રનથી હરાવીને ત્રીજી વખત T20 વર્લ્ડકપ જીત્યો હતો.
પહેલા બેટિંગ કરતા ભારતે 255 રન બનાવ્યા અને ન્યુઝીલેન્ડને 159 રન પર રોકી દીધું. આ જીત સાથે ભારત T20 વર્લ્ડકપના ઈતિહાસમાં ત્રણ વખત ટાઈટલ જીતનાર પ્રથમ ટીમ બની. વધુમાં ભારતે સતત બીજી વખત ટ્રોફી જીતીને અને ઘરઆંગણે વર્લ્ડકપ જીતીને એક નવો રેકોર્ડ બનાવ્યો.
આ વાયરલ વીડીયો ત્રણ દિગ્ગજ કેપ્ટનોના ઈમોશનલ મોમેન્ટને એક ફ્રેમમાં કેદ કરે છે: ધોનીનું સૌમ્ય સ્મિત, રોહિત શર્માનો ઈમોશનલ અવતાર અને સૂર્યકુમાર યાદવના સેલિબ્રેશનનો આનંદ. આ જ કારણ છે કે આ વીડિયો ફેન્સના દિલને સ્પર્શી રહ્યો છે અને તેમને ભારતીય ક્રિકેટની ભવ્ય સફરની યાદ અપાવી રહ્યો છે.
આ પણ વાંચો: Suryakumar Yadav, હાર્દિક પંડ્યા અને શિવમ દુબેએ છોડ્યો ટીમ ઈન્ડિયાનો સાથ, BCCI પર ઉઠ્યા સવાલો!
