MI Vs UPW: અમનજોત કૌરની ઈનિંગ ગઈ વ્યર્થ, UP વોરિયર્સની સતત બીજી જીત

વિમેન્સ પ્રીમિયર લીગ 2026ની 10મી મેચ નવી મુંબઈમાં ડો. ડીવાય પાટિલ સ્પોર્ટ્સ એકેડેમીમાં યુપી વોરિયર્સ અને મુંબઈ ઈન્ડિયન્સ વચ્ચે રમાઈ હતી. ટોસ જીતીને મુંબઈએ યુપીને બેટિંગ માટે આમંત્રણ આપ્યું.

યુપી વોરિયર્સે આ ફાયદાનો લાભ ઉઠાવતા 20 ઓવરમાં 8 વિકેટ ગુમાવીને 187 રન બનાવ્યા. જવાબમાં મુંબઈ ઈન્ડિયન્સ 20 ઓવરમાં 6 વિકેટ ગુમાવીને 165 રન જ બનાવી શકી, જેના કારણે મેચ 22 રનથી હારી ગઈ.

મેગ લેનિંગની શાનદાર ઈનિંગ

ટોસ હારીને પહેલા બેટિંગ કરવાનો નિર્ણય લીધા બાદ યુપી વોરિયર્સની શરૂઆત સારી રહી ન હતી. કિરણ નવગિરે કોઈ રન બનાવ્યા વિના આઉટ થઈ ગઈ. પરંતુ કેપ્ટન મેગ લેનિંગે 45 બોલમાં 11 ચોગ્ગા અને 2 છગ્ગા સાથે 70 રન બનાવ્યા. ત્રીજા નંબરે બેટિંગ કરતી ફીબી લિચફિલ્ડે 37 બોલમાં 61 રન બનાવ્યા, જેમાં 7 ચોગ્ગા અને 3 જબરદસ્ત છગ્ગા ફટકાર્યા.

હરલીન દેઓલે પણ 25 રન બનાવ્યા, જ્યારે ક્લો ટ્રાયોને પણ 21 રન બનાવ્યા, જેના કારણે તેમની ટીમ 20 ઓવરમાં 8 વિકેટ ગુમાવીને 187 રન સુધી પહોંચી શકી. મુંબઈ ઈન્ડિયન્સ માટે નેટ સાયવર-બ્રન્ટે 2 વિકેટ લીધી, જ્યારે એમેલિયા કેરે 3 વિકેટ લીધી.

યુપી વોરિયર્સની ટીમે મેળવી બીજી જીત

મોટા ટાર્ગેટનો પીછો કરવા ઉતરેલી મુંબઈ ઈન્ડિયન્સ મહિલા ટીમની શરૂઆત ખરાબ રહી. હેલી મેથ્યુઝે 13 રન બનાવ્યા, જ્યારે સંજીવન સજનાએ માત્ર 10 રન બનાવ્યા. નેટ સાયવર-બ્રન્ટે 15 રન બનાવ્યા, જ્યારે હરમનપ્રીત કૌરે પણ માત્ર 18 રન બનાવ્યા. 

અમેલિયા કેરે અણનમ 49 રન બનાવ્યા, જ્યારે અમનજોત કૌરે 41 રન બનાવ્યા. આમ છતાં મુંબઈ 20 ઓવરમાં 6 વિકેટ ગુમાવીને માત્ર 165 રન જ બનાવી શક્યું, જેના કારણે મેચ 22 રનથી હારી ગયું. ઉત્તર પ્રદેશ માટે શિખા પાંડેએ 2 વિકેટ લીધી. આ સાથે, ઉત્તર પ્રદેશે સતત 2 મેચ જીતી લીધી છે. 

 આ પણ વાંચો: Team Indiaની હાર માટે કોણ જવાબદાર? કેપ્ટન શુભમન ગિલે કર્યો મોટો ખુલાસો