વિજય હજારે ટ્રોફી 24 ડિસેમ્બરથી શરૂ થશે અને ફાઇનલ મેચ 18 જાન્યુઆરીએ રમાશે. આ ટુર્નામેન્ટ માટે પંજાબની ટીમની જાહેરાત કરવામાં આવી છે, જેમાં ઘણા સ્ટાર ખેલાડીઓને સામેલ કરવામાં આવ્યા છે. શુભમન ગિલને T20 વર્લ્ડકપ ટીમમાંથી સ્થાન મળ્યું નથી તો, તે હવે પંજાબ તરફથી રમશે. અભિષેક શર્મા અને અર્શદીપ સિંહ પણ તેની સાથે રમશે. ટીમમાં ઘણા અન્ય સ્ટાર ખેલાડીઓ પણ સામેલ છે.
પંજાબ ટીમની જાહેરાત
પંજાબ વિજય હજારે ટ્રોફીમાં 24 ડિસેમ્બરે મહારાષ્ટ્ર સામે પોતાની પહેલી મેચ રમશે. તેમને ઋતુરાજ ગાયકવાડ અને પૃથ્વી શો તરફથી આકરા પડકારનો સામનો કરવો પડશે. શુભમન ગિલ ઓછામાં ઓછી બે મેચમાં રમે તેવી શક્યતા છે. મેનેજમેન્ટે કેપ્ટનનું નામ જાહેર કર્યું નથી, પરંતુ 24 તારીખે તેને જવાબદારી સોંપવામાં આવી શકે છે. આનાથી શુભમન ગિલને ન્યુઝીલેન્ડ સામેની ODI સિરીઝ પહેલા તૈયારી કરવાની તક મળશે.
