Arjun Tendulkarએ સાનિયા ચંડોક સાથે કરી સગાઈ, જાણો કોણ છે તેની ભાવિ પત્ની

'ક્રિકેટના ભગવાન' સચિન તેંડુલકરનો પરિવાર સોશિયલ મીડિયા પર ઘણીવાર ચર્ચામાં રહે છે. સારા તેંડુલકરના અફેરની ચર્ચા દરેક જગ્યાએ જોવા મળે છે. પરંતુ આ દરમિયાન અર્જુન તેંડુલકરની સગાઈના સમાચારે ખળભળાટ મચાવી દીધો છે.

અર્જુને ઘાઈ પરિવારની પુત્રી સાનિયા ચંડોક સાથે સગાઈ કરી છે. અર્જુનની ભાવિ પત્ની સારા તેંડુલકર સાથે પણ ખાસ સંબંધ છે. તમને જણાવી દઈએ કે સાનિયા ચંડોક કોણ છે?

કોણ છે સાનિયા ચંડોક?

સાનિયા સોશિયલ મીડિયા પર એક્ટિવ રહે છે પરંતુ તેનું ઈન્સ્ટાગ્રામ એકાઉન્ટ પ્રાઈવેટ છે. સાનિયા મુંબઈના સૌથી ફેમસ બિઝનેસ પરિવારોમાંના એક સાથે સંબંધ ધરાવે છે. ઘાઈ પરિવાર ફૂડ સેક્ટરમાં મજબૂત હાજરી ધરાવે છે. ઈન્ટરકોન્ટિનેન્ટલ હોટેલ્સ અને પોપ્યુલર આઈસ્ક્રીમ બ્રાન્ડ બ્રુકલિન ક્રીમરી જેવા વ્યવસાયો આ પરિવાર સાથે સંકળાયેલા છે. ભારત સરકારના સત્તાવાર રેકોર્ડ (કોર્પોરેટ બાબતો મંત્રાલય) મુજબ સાનિયા ચંડોક મુંબઈ સ્થિત મિસ્ટર પોઝ પેટ સ્પા એન્ડ સ્ટોર એલએલપીમાં નિયુક્ત પાર્ટનર અને ડિરેક્ટર છે.

અર્જુન તેંડુલકરના સસરા શું કરે છે?

સાનિયા ચંડોક મુંબઈના જાણીતા ઉદ્યોગપતિ રવિ ઘાઈની પૌત્રી છે. મીડિયા રિપોર્ટ મુજબ સાનિયા રવિ ઘાઈના પુત્ર ગૌરવ ઘાઈની પુત્રી છે. તે સારા તેંડુલકરની સારી મિત્ર છે. સારા તેંડુલકર ઈન્સ્ટાગ્રામ પર સાનિયાને ફોલો કરે છે. અર્જુન તેંડુલકર પણ તેની સાથે જોવા મળ્યો છે. હવે સવાલ એ છે કે અર્જુન તેંડુલકર ક્યારે સાનિયા ચંડોક સાથે લગ્ન કરશે.

સગાઈની થઈ નથી કોઈ સત્તાવાર પુષ્ટિ

સોશિયલ મીડિયા પર અર્જુન તેંડુલકરની સગાઈના સમાચાર તેજ થઈ ગયા છે. ચારે બાજુ ચર્ચા થઈ રહી છે, પરંતુ બંને પરિવારો દ્વારા આ વાતની સત્તાવાર પુષ્ટિ કરવામાં આવી નથી. અર્જુન તેંડુલકર મુંબઈ સિવાય ગોવાનું પ્રતિનિધિત્વ કરે છે. તે IPL 2025 માં મુંબઈ ઈન્ડિયન્સનો ભાગ છે. પરંતુ તેને IPL 2025માં એક પણ મેચ રમવાની તક મળી ન હતી.