58959 રન, 145 સદી અને 295 અડધી સદી, આ બેટ્સમેને મચાવી ધૂમ

ક્રિકેટના ઈતિહાસમાં ઘણા મહાન બેટ્સમેન આવ્યા અને ગયા. કેટલાક એવા બેટ્સમેન છે જેમના નામે અનોખો રેકોર્ડ છે. આજે તમને એવા જ એક પૂર્વ દિગ્ગજ ક્રિકેટર વિશે માહિતી આપવા જઈ રહ્યા છીએ, જેમણે ક્રિકેટ રમ્યા ત્યાં સુધી ઘણા રેકોર્ડ બનાવ્યા હતા. બોલરોમાં આ બેટ્સમેનથી ગભરાતા હતા. આ ક્રિકેટર છે ઈંગ્લેન્ડના પૂર્વ ક્રિકેટર ફ્રેન્ક વૂલી. જેણે ફર્સ્ટ ક્લાસ ક્રિકેટમાં ઘણા રન બનાવ્યા હતા.

ફ્રેન્ક વૂલીએ બનાવ્યા 58 હજારથી વધુ રન

વર્ષ 1906 દરમિયાન, ઈંગ્લેન્ડના દિગ્ગજ બેટ્સમેન ફ્રેન્ક વૂલીએ તે સમયગાળા દરમિયાન ફર્સ્ટ ક્લાસ ક્રિકેટમાં ધૂમ મચાવી હતી. વર્ષ 1906માં, ફ્રેન્ક વૂલીએ ફર્સ્ટ ક્લાસ ક્રિકેટમાં ડેબ્યૂ કર્યું હતું. ફ્રેન્ક વૂલી 32 વર્ષ સુધી ફર્સ્ટ ક્લાસ ક્રિકેટ રમ્યો. આ દરમિયાન તેને 978 મેચ રમી હતી. બેટિંગ દરમિયાન વૂલીએ 58959 રન બનાવ્યા હતા. જેમાં 145 સદી અને 295 અડધી સદી સામેલ છે. આ દરમિયાન તેનો હાઈ સ્કોર 305 રન અણનમ રહ્યો હતો.

વૂલીએ લીધી 2 હજારથી વધુ વિકેટ

શાનદાર બેટિંગની સાથે વૂલી તેની ખતરનાક બોલિંગ માટે પણ જાણીતો હતો. ફ્રેન્ક વૂલીએ ફર્સ્ટ ક્લાસ ક્રિકેટમાં બોલિંગ દરમિયાન 2066 વિકેટ લીધી હતી. આ સમયગાળા દરમિયાન તેનું સર્વશ્રેષ્ઠ બોલિંગ પ્રદર્શન 22 રનમાં 8 વિકેટ ઝડપી રહ્યું હતું.

આંતરરાષ્ટ્રીય ક્રિકેટમાં પણ મચાવી ધૂમ

ફ્રેન્ક વૂલીએ 9 ઓગસ્ટ 1909ના રોજ ઈંગ્લેન્ડ માટે આંતરરાષ્ટ્રીય ટેસ્ટમાં પ્રવેશ કર્યો હતો. વૂલીએ ઈંગ્લેન્ડ માટે 64 ટેસ્ટ મેચ રમી હતી. 98 ઈનિંગ્સમાં બેટિંગ કરતા વુલીએ 3283 રન બનાવ્યા હતા. જેમાં 5 સદી અને 23 અડધી સદી સામેલ છે. આ સિવાય વૂલીએ બોલિંગ દરમિયાન 83 વિકેટ પણ લીધી હતી.

ફ્રેન્ક વૂલીના નામે હતોઆ ખાસ રેકોર્ડ

વર્ષ 1924માં ઈંગ્લેન્ડ અને ઓસ્ટ્રેલિયા વચ્ચે ટેસ્ટ મેચ રમાઈ હતી. આ મેચની પ્રથમ ઈનિંગમાં વૂલી શૂન્ય પર આઉટ થયો હતો. પરંતુ તેને બીજી ઈનિંગમાં શાનદાર બેટિંગ કરી હતી. ફ્રેન્ક વૂલીએ બીજી ઈનિંગમાં 123 રનની ઈનિંગ રમી હતી. જે બાદ શૂન્ય પર આઉટ થવાનો અને એ જ ટેસ્ટ મેચમાં સદી ફટકારવાનો રેકોર્ડ વૂલીના નામે નોંધાયો હતો.