- IPL 2024ની 18મી મેચમાં સનરાઈઝર્સ હૈદરાબાદ ચેન્નાઈ સુપર કિંગ્સ સામે ટકરાઇ
- સનરાઈઝર્સ હૈદરાબાદે રોમાંચક મેચમાં ચેન્નાઈ સુપર કિંગ્સને 6 વિકેટે હરાવ્યું
- ચેન્નાઈને સતત બીજી હારનો સામનો કરવો પડ્યો હતો
IPL 2024ની 18મી મેચમાં શુક્રવારે સનરાઈઝર્સ હૈદરાબાદ ચેન્નાઈ સુપર કિંગ્સ સામે ટકરાઇ હતી. આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાઇ. સનરાઈઝર્સ હૈદરાબાદે રોમાંચક મેચમાં ચેન્નાઈ સુપર કિંગ્સને 6 વિકેટે હરાવ્યું હતું. દિલ્હી સામે હાર્યા બાદ હવે ચેન્નાઈને સતત બીજી હારનો સામનો કરવો પડ્યો હતો.
પ્રથમ બેટિંગ કરતા ચેન્નાઈએ 165 રન બનાવ્યા હતા. આ દરમિયાન શિવમ દુબેએ 45 રનની ઇનિંગ રમી હતી. 24 બોલનો સામનો કરીને તેણે 4 સિક્સર અને 2 ફોર ફટકારી હતી. અજિંક્ય રહાણેએ 35 રનનું યોગદાન આપ્યું હતું. રવિન્દ્ર જાડેજાએ અણનમ 31 રન બનાવ્યા હતા. આ દરમિયાન હૈદરાબાદ તરફથી ભુવનેશ્વર કુમાર, નટરાજન, જયદેવ ઉનડકટ, શાહબાઝ અને કમિન્સે એક-એક વિકેટ લીધી હતી.
