IPL 2025 પહેલા CSK આ ખેલાડીને કરશે રિટેન, હરભજને શું કરી ભવિષ્યવાણી?

PL 2025ની મેગા ઓક્શન પહેલા હરભજન સિંહે એક મોટી ભવિષ્યવાણી કરી છે. ભજ્જીએ એવા ખેલાડીઓના નામ જાહેર કર્યા છે જેમને ચેન્નાઈ સુપર કિંગ્સ ટીમ રિટેન કરી શકે છે. તમને જણાવી દઈએ કે તમામ ટીમોએ 31 ઓક્ટોબર સુધીમાં BCCIને રિટેન કરાયેલા ખેલાડીઓની યાદી સબમિટ કરવાની રહેશે. ગત સિઝનમાં CSKનું પ્રદર્શન મિશ્ર રહ્યું હતું અને ટીમે 14માંથી 7 મેચ જીતી હતી, જ્યારે ટીમને એટલી જ મેચોમાં હારનો સામનો કરવો પડ્યો હતો. જો કે રુતુરાજ ગાયકવાડની કપ્તાનીમાં ટીમને પ્લેઓફની ટિકિટ મળી શકી નથી.

હરભજને શું કરી ભવિષ્યવાણી?

હરભજન સિંહના મતે ચેન્નાઈ સુપર કિંગ્સ ટીમ એમએસ ધોની, રવિન્દ્ર જાડેજા, રુતુરાજ ગાયકવાડ અને રચિન રવિન્દ્રને રિટેન કરી શકે છે. ભજ્જીએ કહ્યું કે સીએસકે પણ શ્રીલંકાના ફાસ્ટ બોલર મથિશા પથિરાનાને રિટેન કરવા જઈ શકે છે. સ્ટાર સ્પોર્ટ્સ સાથે વાત કરતા હરભજને કહ્યું, “મને ખાતરી નથી કે ધોની રમશે કે નહીં, પરંતુ જો તે ઉપલબ્ધ હશે તો તે ચોક્કસપણે ટીમની પ્રથમ પસંદગી હશે. આ સાથે ટીમની બીજી પસંદગી રવીન્દ્ર જાડેજા હશે અને ત્યારપછી રચીન રવિન્દ્ર હશે. સુકાનીપદની વાત કરીએ તો, ટીમ રુતુરાજ ગાયકવાડને કોઈપણ ભોગે જાળવી રાખશે.

ચેન્નાઈ પ્લેઓફમાં પહોંચી શકી નથી

IPL 2024માં ચેન્નાઈ સુપર કિંગ્સ ટીમ પ્લેઓફની ટિકિટ મેળવવામાં નિષ્ફળ રહી હતી. ટીમે ગત સિઝનમાં રમાયેલી 14માંથી 7 મેચમાં જીતનો સ્વાદ ચાખ્યો હતો જ્યારે સાત મેચમાં ટીમને હારનો સામનો કરવો પડ્યો હતો. જો કે, ટીમ પ્લેઓફમાં પહોંચવામાં નિષ્ફળ રહી અને CSK પાંચમા સ્થાને ટૂર્નામેન્ટ સમાપ્ત કરી. રૂતુરાજ ગાયકવાડ એમએસ ધોનીની દેખરેખ હેઠળ પ્રથમ વખત સમગ્ર સિઝનમાં ટીમનું નેતૃત્વ કરતો જોવા મળ્યો હતો.

ધોની અનકેપ્ડ પ્લેયર હશે

IPL રિટેન્શન નિયમોમાં ફેરફાર બાદ આ વખતે એમએસ ધોનીને અનકેપ્ડ ખેલાડી તરીકે જાળવી રાખવામાં આવશે. નવા નિયમો અનુસાર, ભારતના જે ખેલાડીઓ પાંચ વર્ષથી આંતરરાષ્ટ્રીય ક્રિકેટ રમ્યા નથી તેઓ આ વખતે હરાજીમાં અનકેપ્ડ ખેલાડીઓ તરીકે જોવામાં આવશે. આ અંતર્ગત ધોની, મોહિત શર્મા, અમિત મિશ્રા જેવા મોટા નામ અનકેપ્ડ પ્લેયર તરીકે જોવા મળશે. જોકે, હજુ એ સ્પષ્ટ નથી થયું કે ધોની આ સિઝન માટે ઉપલબ્ધ રહેશે કે નહીં.