ધોનીની એન્ટ્રીથી ગૂંજ્યું ચેપોક સ્ટેડિયમ, જોઈ લો રસેલે આપેલું ખાસ રિએક્શન

• ધોનીની એન્ટ્રી પર ફેન્સ ખુશ
  
• સ્ટેડિયમનો ખૂણે ખૂણો માહીના નામથી ગૂંજવા લાગ્યો હતો
• આ વ્યક્તિ દુનિયાનો પસંદગીદાર ક્રિકેટરઃ રસેલ

આઈપીએલ 2024માં ફેન્સનો મહેન્દ્ર સિંહ ધોની માટેનો પ્રેમ સતત જોવા મળી રહ્યો છે. જ્યારે ચેન્નઈ સુપર કિંગ્સની મેચ રમાી તો ધોની બેટિંગ માટે મેદાનમાં આવ્યા. આ સમયે જે માહોલ બન્યો તે ખરેખર જોવા લાયક હતો. કેકેઆર અને ચેન્નઈ સુપર કિંગ્સની વચ્ચેની 22મી આઈપીએલ મેચમાં ધોનીના વેલકમમાં ફેન્સે કોઈ કસર છોડી નથી. ધોની જ્યારે મેદાનમાં બેટિંગ કરવા આવ્યા તો સ્ટેડિયમનો ખૂણે ખૂણો માહીના નામથી ગૂંજવા લાગ્યો હતો. આ અવાજ એટલો હતો કે કેકેઆરના ઓલ રાઉન્ડર આંદ્રે રસેલે તેના કાન બંધ કરી દીધા હતા. ધોનીની સાથે જ રસેલનો કાન બંધ કરતો વીડિયો પણ સોશિયલ મીડિયામાં વાયરલ થઈ રહ્યો છે.

ધોનીની ગ્રાન્ડ એન્ટ્રી

ચેન્નઈ સુપર કિંગ્સને કેકેઆરની સામે મેચ જીતવા માટે 3 રનની જરૂર હતી. મોટા શોર્ટસ લગાવીને શિવમ દુબે પણ આઉટ થયા. આ પછી ધોનીની ચેપોક સ્ટેડિયમમાં એન્ટ્રી થઈ. આ સમયે અહીં હાજર ધોનીના ફેન્સે કોઈ કસર છોડી નહીં અને આખું સ્ટેડિયમ ધોની- ધોનીના નાદ સાથે ગૂંજવા લાગ્યું. અવાજ એટલો હતો કે બાઉન્ડ્રી પર ઊભેલા રસેલે પોતાના કાન બંધ કરી દીધા હતા. તેનો વીડિયો પણ વાયરલ થઈ રહ્યો છે.

રસેલે કરી પોસ્ટ

મેચ બાદ રસેલે ઈન્સ્ટાગ્રામ પર એક સ્ટોરી પોસ્ટ કરી છે. તેમાં બંનેએ સાથએ પોતાનો ફોટો પોસ્ટ કર્યો છે અને લખ્યું છે કે મને લાગે છે કે આ વ્યક્તિ દુનિયાનો સૌથી પસંદગીદાર ક્રિકેટર છે. ઉલ્લેખનીય છે કે આ મેચમાં રસેલનો દમ જોવા મળ્યો નથી. રસેલે ફક્ત 10 જ રન બનાવ્યા હતા. પણ બોલિંગ કરવાની સાથે તેને કોઈ સફળતા મળી નથી. ધોનીની બેટિંગની વાત કરીએ તો તે 3 બોલમાં 1 રન બનાવીને નાબાદ રહ્યા હતા તો ઋતુરાજ ગાયકવાડે 58 બોલનો સામનો કરીને 67 પનની મેચ વીનિંગ ઈનિંગ રમી હતી.