સંન્યાસ બાદ પણ Englandની ટીમ સાથે જોડાયેલો રહેશે ખેલાડી,મળી મોટી જવાબદારી

• આજે ઈંગ્લેન્ડ અને વેસ્ટ ઈન્ડિઝની વચ્ચે બીજી ટેસ્ટ મેચ
  
• જેમ્સ એન્ડરસને જીત સાથે ટેસ્ટ કરિયરનો કર્યો અંત
• બોલિંગ મેન્ટરના રૂપમાં ટીમની સાથે જોડાયેલા રહેશે એન્ડરસન

ઈંગ્લેન્ડના ખાસ ગણાતા બોલર જેમ્સ એન્ડરસને વેસ્ટ ઈન્ડિઝ સામેની લોર્ડ્સ ટેસ્ટ બાદ આંતરરાષ્ટ્રીય ક્રિકેટમાંથી નિવૃત્તિ લઈ લીધી હતી. ટેસ્ટ ક્રિકેટમાંથી સંન્યાસ લીધા બાદ તેમને બીજી મોટી જવાબદારી મળી છે. જેમ્સ એન્ડરસન વેસ્ટ ઈન્ડિઝ સામેની બાકીની બે ટેસ્ટ મેચોમાં બોલિંગ મેન્ટર તરીકે ટીમ સાથે જોડાયેલા રહેશે.

નોટિંગહામ ટેસ્ટ 18 જુલાઈથી શરૂ

ઈંગ્લેન્ડ અને વેસ્ટ ઈન્ડિઝ વચ્ચે બીજી ટેસ્ટ મેચ ગુરુવાર (18 જુલાઈ)થી શરૂ થઈ રહી છે. જેમ્સ એન્ડરસને પોતાની ટેસ્ટ કારકિર્દીનો વિજય સાથે અંત કર્યો છે. જેમ્સ એન્ડરસને પોતાની ટેસ્ટ કારકિર્દીમાં 704 વિકેટ લીધી છે. આ સમયગાળા દરમિયાન તેણે 188 ટેસ્ટ મેચ રમી છે. તે ટેસ્ટ ક્રિકેટમાં સૌથી વધુ વિકેટ લેનારો ત્રીજો બોલર છે. સ્વર્ગસ્થ શેન વોર્ન (708) અને મુથૈયા મુરલીધરન (800)એ તેમના કરતા વધુ વિકેટ લીધી છે.

ઈંગ્લેન્ડે મોટી જીત હાંસલ કરી હતી

ઈંગ્લેન્ડે પ્રથમ ટેસ્ટ મેચમાં વેસ્ટ ઈન્ડિઝને ખરાબ રીતે હરાવ્યું હતું. ઇંગ્લેન્ડે આ મેચ 114 રને જીતી લીધી હતી. ઈંગ્લેન્ડ ત્રણ મેચની ટેસ્ટ શ્રેણીમાં 1-0થી આગળ છે. ઈંગ્લેન્ડની ટીમ આ મેચ જીતીને શ્રેણીમાં અજેય લીડ લેવાનો પ્રયાસ કરશે. જ્યારે વેસ્ટ ઈન્ડિઝ પાસે આ મેચ જીતીને શ્રેણીમાં વાપસી કરવાની તક છે. જો વેસ્ટ ઈન્ડિઝ આ મેચ હારી જશે તો તે આ શ્રેણી ગુમાવશે.

બીજી ટેસ્ટ માટે બંને ટીમોની પ્લેઈંગ ઈલેવન

ઈંગ્લેન્ડની સંભવિત પ્લેઈંગ ઈલેવન

બેન સ્ટોક્સ (કેપ્ટન), જેક ક્રોલી, બેન ડકેટ, ઓલી પોપ, જો રૂટ, હેરી બ્રુક, જેમી સ્મિથ, ક્રિસ વોક્સ, ગુસ એટકિન્સન, માર્ક વુડ અને શોએબ બશીર.

વેસ્ટ ઈન્ડિઝની સંભવિત પ્લેઈંગ ઈલેવન

ક્રેગ બ્રેથવેટ (કેપ્ટન), મિકાઈલ લુઈસ, કિર્ક મેકેન્ઝી, અલિક અથાનાઝે, કાવેમ હૉજ, જોશુઆ દા સિલ્વા (વિકેટકીપર), જેસન હોલ્ડર, ગુડાકેશ મોટી, અલ્ઝારી જોસેફ, શમર જોસેફ, જેડેન સીલ્સ.