- ભારત અને ઈંગ્લેન્ડ વચ્ચે પાંચ મેચની ટેસ્ટ સિરીઝ
- સિરીઝમાં ટીમ ઈન્ડિયાએ 2-1થી સરસાઈ મેળવી
- ચોથી ટેસ્ટમાં બેન સ્ટોક્સ બોલિંગ કરી શકે છે
ભારત હાલમાં સિરીઝમાં ઈંગ્લેન્ડથી 2-1થી આગળ છે, હવે સિરઝની ચોથી ટેસ્ટ મેચ 23 ફેબ્રુઆરીથી રાંચીમાં રમાશે. હવે ત્રીજી ટેસ્ટમાં હાર બાદ ઈંગ્લેન્ડની ટીમ બેહાલ છે. બેઝબોલ રમત સંપૂર્ણ ફ્લોપ રહી છે. હવે ઈંગ્લેન્ડની ટીમ પર સિરીઝની હારનો ખતરો તોળાઈ રહ્યો છે. સિરીઝ ગુમાવવાના ડરને કારણે ઈંગ્લેન્ડની ટીમ હવે નવી રણનીતિ સાથે ચોથી ટેસ્ટ મેચમાં ઉતરશે.
બેન સ્ટોક્સે સંકેત આપ્યો છે કે તે ચોથી ટેસ્ટ મેચમાં બોલિંગ કરી શકે છે. સ્ટોક્સે ત્રણ ટેસ્ટ મેચમાં બોલિંગ કરી નથી. વાસ્તવમાં, સ્ટોક્સ ગયા વર્ષે તેના ઘૂંટણના ઓપરેશનથી સ્વસ્થ થઈ રહ્યો છે અને બોલર તરીકે તેની ગેરહાજરી હવે ઈંગ્લેન્ડ અનુભવી રહી છે.
ચોથી ટેસ્ટમાં સ્ટોક્સ કરશે બોલિંગ કરશે?
તે જ સમયે, જ્યારે ત્રીજી ટેસ્ટ મેચમાં હાર બાદ સ્ટોક્સને તેની બોલિંગ વિશે પ્રશ્ન કરવામાં આવ્યો, ત્યારે ઇંગ્લિશ કેપ્ટને પોતાનો અભિપ્રાય આપ્યો અને કહ્યું, "હું હા નથી કહી રહ્યો, હું ના કહી રહ્યો નથી... હું કંઈ નથી કહી રહ્યો. મોટાભાગની બાબતો વિશે હું હંમેશાખૂબ જ આશાવાદી છું... હું તબીબી ટીમ સાથે વધુ વિગતવાર વાતચીત કરીશ કે મારે કેટલો વર્કલોડ લેવો જોઈએ, જેથી મારે કોઈ મોટું જોખમ ન લેવું પડે."
વધુમાં સ્ટોક્સે કહ્યું, હું અહીં પ્રેક્ટિસ દરમિયાન 100 ટકા બોલિંગ કરવામાં સફળ રહ્યો છું, જેનાથી મને ખૂબ સારું લાગે છે. મને લાગ્યું કે હું મેચ દરમિયાન બોલિંગ કરી શક્યો હોત પરંતુ કોઈ તબીબી સલાહ વિના બોલિંગ કરવી બેવકુફીનું કામ છે. આમ કહીને ઈંગ્લિશ કેપ્ટન સ્ટોક્સે નિશ્ચિતપણે સંકેત આપ્યો છે કે તે ચોથી ટેસ્ટમાં પણ બોલિંગ કરી શકે છે. જો સ્ટોક્સ ચોથી ટેસ્ટમાં બોલર તરીકે પોતાની જાતને ઉપલબ્ધ કરાવે છે, તો ઈંગ્લેન્ડ પાસે તેમની ઈલેવનને સંપૂર્ણપણે બદલવાનો વિકલ્પ હશે.
ટેસ્ટ સિરીઝની સ્થિતિ
ભારત અને ઈંગ્લેન્ડ વચ્ચે શ્રેણીની ચોથી ટેસ્ટ મેચ રાંચીમાં રમાશે. ટેસ્ટ સીરીઝની વાત કરીએ તો ઈંગ્લેન્ડે પ્રથમ ટેસ્ટ મેચ 28 રને જીતી હતી જ્યારે ભારત બીજી અને ત્રીજી ટેસ્ટ મેચ જીતવામાં સફળ રહ્યું હતું. ભારત બીજી ટેસ્ટ મેચ 106 રને અને ત્રીજી ટેસ્ટ મેચ 434 રને જીતવામાં સફળ રહ્યું હતું. હવે ચોથી ટેસ્ટ મેચ રાંચીમાં 23 ફેબ્રુઆરી થી 27 ફેબ્રુઆરી વચ્ચે રમાશે.
