- દ.ઓસ્ટ્રેલિયા અને તસ્માનિયાની ટીમો આમને-સામને હતી
- દ.ઓસ્ટ્રેલિયાને જીતવા માટે છેલ્લી ઓવરમાં ચાર રનની જરૂર હતી
- તસ્માનિયાની ટીમે બાકીની પાંચ વિકેટ લઈને મેચ જીતીને અનોખું કારનામું કર્યું હતું
ક્રિકેટને કંઇ એમ જ અનિશ્ચિતતાની રમત કહેવામાં આવતી નથી. અહીં ગમે ત્યારે કંઈ પણ થઈ શકે છે. હવે ઓસ્ટ્રેલિયાની આ મેચને જ જુઓ. ટીમને જીતવા માટે છેલ્લી ઓવરમાં માત્ર 4 રનની જરૂર હતી. દરેકને લાગતું હતું કે આ ટીમ જીતશે, પરંતુ અચાનક 5 બોલમાં 5 વિકેટ પડી અને ટીમ હારી ગઈ. આ બધું ઓસ્ટ્રેલિયાની મહિલા ડોમેસ્ટિક લીગની ફાઇનલ મેચમાં થયું હતું, જ્યાં દક્ષિણ ઓસ્ટ્રેલિયા અને તસ્માનિયાની ટીમો આમને-સામને હતી.
મેચમાં દક્ષિણ ઓસ્ટ્રેલિયાને જીતવા માટે છેલ્લી ઓવરમાં ચાર રનની જરૂર હતી. જોકે, તસ્માનિયાની ટીમે બાકીની પાંચ વિકેટ લઈને મેચ જીતીને અનોખું કારનામું કર્યું હતું. તાસ્માનિયાએ ડકવર્થ-લુઈસ પદ્ધતિનો ઉપયોગ કરીને 50-ઓવરની મેચ એક રનથી જીતી લીધી. સારાહ કોયેટે (4/30) છેલ્લી ઓવરમાં ત્રણ વિકેટ લીધી હતી જ્યારે બે ખેલાડીઓ રનઆઉટ થયા હતા. આ સમયગાળા દરમિયાન કોયટે રનઆઉટમાં પણ યોગદાન આપ્યું હતું.
