વિરાટ કોહલીની સ્લેજિંગ પર ઓસ્ટ્રેલિયાના ભૂતપુર્વ કેપ્ટને આપ્યું ચોંકાવનારુ નિવેદન

• ટિમ પેને વિરાટ કોહલીની સ્લેજિંગ પર આપ્યું મોટું નિવેદન
  
• ઓસ્ટ્રેલિયના ટિમ પેને કોહલી પર જોરદાર સ્લેજિંગ કર્યું હતું
• તેણે માત્ર વિરાટનું ધ્યાન હટાવવાનો પ્રયાસ કર્યો હતો

ઓસ્ટ્રેલિયાના પૂર્વ કેપ્ટન ટિમ પેને વિરાટ કોહલીની સ્લેજિંગ પર મોટું નિવેદન આપ્યું છે. પેન કહે છે કે વિરાટને સ્લેજ ન કરવાની લોકોની સલાહ સાંભળીને તે કંટાળી ગયો હતો. વાસ્તવમાં, આ મામલો ભારતના 2018-2019ના ઑસ્ટ્રેલિયન પ્રવાસનો છે, જ્યારે કાંગારૂ ટીમે વિરાટ કોહલીનું માટે સ્લેજિંગ કરવાનું શરૂ કર્યું હતું. તે દરમિયાન ઓસ્ટ્રેલિયન ટીમના કેપ્ટન ટિમ પેને વિરાટ કોહલી પર જોરદાર સ્લેજિંગ કર્યું હતું.

ટિમ પેન કહે છે કે ઓસ્ટ્રેલિયાએ વિરાટ કોહલીને સ્લેજ કર્યો કે નહીં, તે હજુ પણ ઘણા રન બનાવી રહ્યો છે. તેણે માત્ર વિરાટનું ધ્યાન હટાવવાનો પ્રયાસ કર્યો હતો. ઓસ્ટ્રેલિયાના ભૂતપૂર્વ કેપ્ટને કહ્યું, "લોકો કહેતા હતા કે વિરાટને સ્લેજ ન કરો. જો તમે તેને સ્લેજ કરો તો પણ તે સારા રન બનાવી રહ્યો છે. તેથી તમે તેને સ્લેજ કરો કે ન કરો તેનાથી કોઈ ફરક પડતો નથી."

વિરાટને ઉશ્કેરવો એટલે ખતરાની ઘંટડી

ટિમ પેને કહ્યું કે વિરાટને સ્લેજિંગ ન કરવાની વાત સાંભળીને તે ચિડાઈ જતો હતો. તેણે કહ્યું, "હું વિરાટ કોહલીને વધારે ઉશ્કેરવાનો પ્રયાસ પણ કરવા માંગતો ન હતો. અમે માત્ર તેનું ધ્યાન ભટકાવવાનો પ્રયાસ કર્યો હતો, અમને આશા હતી કે વિચલિત થવાને કારણે તે ખરાબ શોટ રમી શકે છે.

ભારતીય ટીમે ઇતિહાસ રચ્યો હતો

2018-2019ના પ્રવાસ દરમિયાન, ભારત અને ઓસ્ટ્રેલિયા વચ્ચે 4 ટેસ્ટની સિરીઝ રમાઈ હતી. ભારત પ્રથમ અને ત્રીજી મેચમાં વિજય નોંધાવવામાં સફળ રહ્યું હતું અને બીજી મેચમાં યજમાન ઓસ્ટ્રેલિયાનો વિજય થયો હતો. સિરીઝનો નિર્ણય ચોથી અને છેલ્લી ટેસ્ટ દ્વારા થવાનો હતો, જે ડ્રોમાં સમાપ્ત થઈ હતી. આ સાથે ભારત ઈતિહાસની પ્રથમ એશિયન ટીમ બની છે જેણે ઓસ્ટ્રેલિયાને ઘરઆંગણે ટેસ્ટ સિરીઝમાં હરાવ્યું હતું.