- મોદી સ્ટેડિયમની પિચ બેટ્સમેન માટે સારી
- સીએસકે પોઈન્ટ ટેબલમાં ચોથા સ્થાને
- ગુજરાત ટાઈટન્સની ટીમ પોઈન્ટ ટેબલમાં છેલ્લા નંબરે
IPL 2024ની 59મી મેચમાં ગુજરાત ટાઇટન્સ (GT) ચેન્નાઈ સુપર કિંગ્સ (CSK) નો સામનો કરશે. ગુજરાતની ટીમને તેની છેલ્લી મેચમાં RCB સામે હારનો સામનો કરવો પડ્યો હતો. ગુજરાતની ટીમ હાલ પોઈન્ટ ટેબલમાં છેલ્લા સ્થાને છે. બીજી તરફ CSK ટીમ પોઈન્ટ ટેબલમાં ચોથા સ્થાને છે. CSKએ તેની છેલ્લી મેચ પંજાબ કિંગ્સ સામે જીતી હતી. હવે બંને ટીમો અમદાવાદના નરેન્દ્ર મોદી સ્ટેડિયમમાં સામસામે ટકરાશે. તો જાણો અમદાવાદની પિચ બોલરો કે બેટ્સમેન કોને ફળશે.
અમદાવાદની પિચ કેવી રીતે કઈ ટીમને કરશે મદદ
અમદાવાદના નરેન્દ્ર મોદી સ્ટેડિયમની પીચ બેટ્સમેન માટે યોગ્ય માનવામાં આવે છે. બોલ બેટ પર ખૂબ જ સારી રીતે આવે છે અને બેટ્સમેનો માટે શોટ બનાવવાનું ખૂબ જ સરળ બને છે. જો કે, મોટી બાઉન્ડ્રીને કારણે આ મેદાન પર સ્પિનરો વિકેટ લેવામાં સફળ રહે છે તેમજ સ્પિનરોને પણ પિચમાંથી થોડી મદદ મળે છે.
GT vs CSKનું જાણો પોઈન્ટ ટેબલ
અમદાવાદના નરેન્દ્ર મોદી સ્ટેડિયમમાં કુલ 32 આઈપીએલ મેચો યોજાઈ છે, જેમાં પ્રથમ બેટિંગ કરનારી 14 ટીમોએ જીત મેળવી છે, જ્યારે બાદમાં બેટિંગ કરનારી 18 ટીમોએ જીત મેળવી છે. પ્રથમ દાવની સરેરાશ 171ની હતી. વર્ષ 2023માં નરેન્દ્ર મોદી સ્ટેડિયમમાં સૌથી વધુ સ્કોર ગુજરાત વિરુદ્ધ મુંબઈની મેચમાં બન્યો હતો. તે સમયે સ્કોર 233/3 હતો. તે જ સમયે, વર્તમાન સિઝનમાં સૌથી ઓછો કુલ સ્કોર 89/10 હતો, જે ગુજરાત વિરુદ્ધ દિલ્હી કેપિટલ્સ વચ્ચેની મેચમાં થયો હતો.
નરેન્દ્ર મોદી સ્ટેડિયમ પિચ રિપોર્ટ
નરેન્દ્ર મોદી સ્ટેડિયમની પિચની વાત કરીએ તો તે બેટ્સમેનોને અનુકૂળ છે. હાઈ સ્કોરિંગ મેચો અહીં જોવા મળે છે. અહીંની પિચ કાળી માટી અને લાલ માટી બંનેથી બનેલી છે. લાલ માટીની પિચ સ્પિનર બોલરો માટે મદદરૂપ છે. તે જ સમયે, કાળી માટીવાળી પિચ ઝડપી બોલરોને વધુ મદદ કરે છે કારણ કે તે તેમને ઉછાળો આપે છે. નરેન્દ્ર મોદી સ્ટેડિયમની પિચ પર બેટ્સમેનોને ઘણો ફાયદો આપે છે. અહીં પ્રથમ દાવની સરેરાશ 192 રનની હતી. વર્તમાન IPL સિઝનમાં નરેન્દ્ર મોદી સ્ટેડિયમમાં કુલ 5 મેચ રમાઈ હતી, જેમાં પ્રથમ બેટિંગ કરનાર ટીમે એક મેચ જીતી હતી, જ્યારે બાદમાં બેટિંગ કરનારી ટીમે 4 મેચ જીતી હતી.
GT vs CSK વચ્ચે હેડ-ટુ-હેડ રેકોર્ડ
- કુલ રમાયેલી મેચ – 6 મેચ
- ગુજરાત ટાઇટન્સ જીત્યું- 3 મેચ
- CSK જીત્યું- 3 મેચ
- અનિર્ણિત- 0
જાણો બંને ટીમની સંભવિત પ્લેઈંગ-11
ચેન્નઈ સુપર કિંગ્સ
અજિંક્ય રહાણે, ઋતુરાજ ગાયકવાડ (કેપ્ટન), ડેરિલ મિશેલ, શિવમ દુબે, મોઈન અલી, રવિન્દ્ર જાડેજા, એમએસ ધોની (વિકેટકીપર), મિશેલ સેંટનર, શાર્દુલ ઠાકર, રિચર્ડ ગ્લીસન, તુષાર દેશપાંડે.
ગુજરાત ટાઈટન્સ
રિદ્ધિમાન સાહા (વિકેટકીપર), શુભમન ગિલ (કેપ્ટન), સાંઈ સુદર્શન, ડેવિડ મિલર, શાહરુખ ખાન, રાહુલ તેવટિયા, રાશિદ ખાન, માનવ સુથાર, નૂર અહમદ, મોહિત શર્મા, જોશુઆ લિટિલ.
