GT vs MI:12 વર્ષ છતાં મુંબઈ ઈન્ડિયન્સની આ મુશ્કેલી પીછો નથી છોડી

• મુંબઈ ઈન્ડિયન્સે સતત 12મા વર્ષ પોતાની પ્રથમ મેચ ગુમાવી
  
• ગુજરાતે અમદાવાદમાં મુંબઈ વિરુદ્ધ પોતાની ત્રીજી મેચ જીતી
• મુંબઈ ઈન્ડિયન્સને ગુજરાત સાથેની મેચમાં આશરે છ રનથી હાર્યું

મુંબઈ ઈન્ડિયન્સની છેલ્લા 12-12 વર્ષથી ચાલતી પરંપરા આ વર્ષે પણ ચાલુ રહી. મુંબઈ ઈન્ડિયન્સ વર્ષ-2012 પછી આઈપીએલમાં પોતાની પ્રથમ મેચ જીતી શક્યું નથી. IPL-2024માં મુંબઈ ઈન્ડિયન્સને રવિવારે ગુજરાત ટાઈટન્સના હાથે 6 રનથી હારનો સામનો કરવો પડ્યો હતો.

અમદાવાદના નરેન્દ્ર મોદી સ્ટેડિયમ ખાતે રમાયેલી ટૂર્નામેન્ટની પાંચમી મેચમાં ગુજરાત ટાઇટન્સે પ્રથમ બેટિંગ કરતા 20 ઓવરમાં 6 વિકેટ ગુમાવીને 168 રન બનાવ્યા હતા. જવાબમાં મુંબઈ ઈન્ડિયન્સની ટીમ 20 ઓવરમાં 9 વિકેટ ગુમાવીને 162 રન બનાવી શકી હતી.

નવો કેપ્ટન હાર્દિક પંડ્યા પણ મુંબઈ ઈન્ડિયન્સનું ભાગ્ય બદલી શક્યો નથી. નરેન્દ્ર મોદી સ્ટેડિયમમાં મુંબઈ ઈન્ડિયન્સે જે રીતે ટાર્ગેટનો પીછો કરવાની શરૂઆત કરી તે જોઈને લાગી રહ્યું હતું કે આ વખતે દુષ્કાળ ખતમ થઈ જશે. પરંતુ ઉમેશ યાદવે છેલ્લી ઓવરમાં 19 રનનો બચાવ કરીને મુંબઈની આશા પર પાણી ફરી વળ્યું હતું.

ગિલનું મહત્ત્વનું નિવેદન

ગુજરાત ટાઇટન્સના કેપ્ટન શુભમન ગિલે મેચ પછી તેના બોલરોની પ્રશંસા કરી અને કહ્યું કે તેના બોલરોએ ઝાકળ હોવા છતાં જે રીતે બોલિંગ કરી તેના માટે તેઓ વિશેષ પ્રશંસાને પાત્ર છે. ગિલે કહ્યું, "મને લાગે છે કે છોકરાઓએ જે રીતે હિંમત ન હારી અને છેલ્લી ઓવરોમાં જે રીતે બોલિંગ કરી તે ખાસ હતું. ઝાકળ સાથે, સ્પિનરોએ બોલિંગ કરી અને ખાતરી કરી કે અમે મેચમાં રહીએ.

તેણે આગળ કહ્યું, “મને લાગે છે કે અમારો સ્કોર સારો હતો, પરંતુ અમે ચોક્કસપણે 10-15 વધુ રન બનાવી શક્યા હોત. જરા મુંબઈ જુઓ. તે સારી રીતે રન બનાવી રહ્યો હતો, પરંતુ જૂના બોલ અને ધીમી પીચ પર શોટ રમવાનું ખૂબ મુશ્કેલ હતું.

પંડ્યાએ શું કહ્યું

હાર્દિક પંડ્યાએ હાર બાદ કહ્યું કે, અમને વિશ્વાસ હતો કે છેલ્લી પાંચ ઓવરમાં અમે 42 રન બનાવી લઈશું. જો કે, અમે આમ કરવામાં સફળ થયા ન હતા. અમે પણ એ જ તબક્કામાં અમારી ગતિ ગુમાવી દીધી હતી.'' મુંબઈ ઈન્ડિયન્સે તેની આગામી મેચ બુધવારે સનરાઈઝર્સ હૈદરાબાદ સામે રમવાની છે.