- ભારતીય ટીમ 17 વર્ષ બાદ T20 વર્લ્ડકપમાં બની ચેમ્પિયન
- રોહિત શર્માની કપ્તાનીમાં T20 વર્લ્ડકપનો ખિતાબ જીત્યો
- રોહિત શર્માએ ફાઈનલ મેચના દબાણ અંગે કર્યો ખુલાસો
ટીમ ઈન્ડિયાએ હાલમાં જ રોહિત શર્માની કેપ્ટન્સીમાં T20 વર્લ્ડકપ 2024નો ખિતાબ જીત્યો છે. ટીમ ઈન્ડિયાએ 17 વર્ષની લાંબી રાહ બાદ આ ખિતાબ જીત્યો છે. રોહિત શર્મા હાલ બ્રેક પર છે અને પરિવાર સાથે સમય વિતાવી રહ્યો છે. હાલમાં જ રોહિત શર્મા વિમ્બલ્ડન મેચ દરમિયાન જોવા મળ્યો હતો. આ દરમિયાન તેણે એક ઈન્ટરવ્યૂ આપ્યો હતો અને ફાઈનલ મેચ વિશે વાત કરી હતી.
રોહિત શર્માએ ફાઈનલ મેચનું રહસ્ય જાહેર કર્યું
ફાઇનલમાં એક સમયે સાઉથ આફ્રિકાને જીતવા માટે 30 બોલમાં 28 રનની જરૂર હતી. આ પછી ટીમ ઈન્ડિયાએ વાપસી કરી અને જીત મેળવી હતી. આ વિશે વાત કરતાં તેણે કહ્યું, 'એક કેપ્ટન માટે હંમેશા આગળ આવવું અને ટીમનું નેતૃત્વ કરવું અને ખેલાડીઓ માટે એક ઉદાહરણ બનવું મહત્વપૂર્ણ છે. સારું કરવું અને ખેલાડીઓને સારું કરવા માટે પ્રેરણા આપવી એ મારા માટે ઘણો અર્થ છે. આવું માત્ર મેદાન પર જ નહીં પરંતુ મેદાનની બહાર પણ થાય છે.
ખેલાડીઓને ઘર જેવું વાતાવરણ આપવું પડશે
રોહિત શર્માએ વધુમાં કહ્યું, 'મારા માટે મારી ટીમ મારા પરિવાર અને મિત્રો જેવી છે કારણ કે તમે ટીમને જેટલી નજીક રાખશો, ટીમના ખેલાડીઓ તમારી સાથે એટલા જ નજીક આવશે. આનાથી ટીમનું વાતાવરણ પણ સુધરે છે. દરેક ખેલાડી મેચના પરિણામમાં યોગદાન આપે છે. આ કારણોસર, તે મહત્વનું છે કે તમે ખેલાડીઓને ઘર જેવું વાતાવરણ પ્રદાન કરો, જેથી તેઓ પોતાનું સર્વશ્રેષ્ઠ આપી શકે.
રોહિત શર્માને અપાશે આરામ
T20 વર્લ્ડકપ 2024 જીત્યા બાદ રોહિત શર્માએ T20 ક્રિકેટમાંથી સંન્યાસ લેવાની જાહેરાત કરી હતી. ત્યારથી તે બ્રેક પર છે. એવી આશા છે કે તે બાંગ્લાદેશ સામેની સિરીઝ પહેલા ટીમમાં વાપસી કરી શકે છે. રોહિત શર્માએ સ્પષ્ટ કર્યું છે કે તેનો વનડે અને ટેસ્ટ ક્રિકેટમાંથી નિવૃત્તિ લેવાનો અત્યારે કોઈ ઈરાદો નથી.
