યશસ્વી જયસ્વાલ વિશે વધારે નહીં બોલુ..!, રોહિત શર્માએ જણાવ્યા કારણ

• ખેલાડીઓ ક્રિઝ પર મળેલા અનુભવમાંથી શીખી રહ્યા છે
  
• અમે જાણતા હતા કે અમારા માટે સિરીઝ જીતવી આસાન નહીં હોય
• આ જીતનો શ્રેય ટીમના યુવા ખેલાડીઓને જાય છે

ભારતીય કેપ્ટન રોહિત શર્માએ રવિવારે અહીં રનના સંદર્ભમાં ટીમની સૌથી મોટી જીત નોંધાવવા માટે યુવા અને ઓછા અનુભવી સભ્યોને શ્રેય આપ્યો હતો. ત્રીજી ટેસ્ટના ચોથા દિવસે જીતવા માટે 557 રનનો ટાર્ગેટ આપ્યો હતો, ભારતે ઈંગ્લેન્ડને માત્ર 122 રનમાં ઓલઆઉટ કરીને પાંચ મેચની સિરીઝમાં 2-1ની લીડ મેળવી લીધી હતી.

ખેલાડીઓ પાસે ટેસ્ટનો ઓછો ઇનુભવ

ભારતની જીત બાદ રોહિતે અહીં મીડિયાને કહ્યું, 'આ રીતે અને ખાસ કરીને આટલી યુવા ટીમ સાથે મેચ જીતવી ચોક્કસપણે ખૂબ જ સારી લાગણી છે. સરફરાઝ ખાન અને ધ્રુવ જુરેલને ડેબ્યૂ કર્યું છે અને પ્લેઈંગ ઈલેવનમાં પણ ખેલાડીઓએ ઘણી ટેસ્ટ મેચ રમી નથી. ઐતિહાસિક જીત પછી, રોહિતે ઘણા પાસાઓ પર વિગતવાર પ્રકાશ પાડ્યો.

ખેલાડીઓ સિખી રહ્યાં છીએ

આમાંના ઘણા ખેલાડીઓ ક્રિઝ પર મળેલા અનુભવમાંથી શીખી રહ્યા છે. હૈદરાબાદ અને વિશાખાપટ્ટનમમાં પણ અમને ઘણું શીખવા મળ્યું. સરફરાઝ અને જુરેલે મેચમાં શાનદાર પ્રદર્શન કર્યું હતું. રોહિતે કહ્યું કે સિનિયર ખેલાડીઓની ઈજાને કારણે સર્જાતા સંજોગોને ધ્યાનમાં રાખીને ભારતે ખૂબ જ મહેનત કરવી પડશે. અમે જાણતા હતા કે અમારા માટે સિરીઝ જીતવી આસાન નહીં હોય. અમારે સખત મહેનત કરવી પડશે, ખાસ કરીને જ્યારે અમારા ફ્રન્ટલાઈન ખેલાડીઓ અમારી સાથે ન હોય.

મને આ વાતે ચોંકાવ્યો

રોહિતે કહ્યું, આ શ્રેય યુવા ખેલાડીઓને જાય છે જેમણે આવતાની સાથે જ જોરદાર જુસ્સો બતાવ્યો. એવું લાગે છે કે તેઓ ટીમમાં રમે છે અને તેઓ પણ ટીમમાં જ રહેવા માંગે છે. ભારતીય કેપ્ટને કહ્યું કે ચોથા દિવસે આટલી જલદી મેચ પૂરી થવાથી તે ચોંકી ગયો હતો. તેણે કહ્યું, “મને લાગતું હતું કે મેચ પાંચમા દિવસ સુધી ચાલશે. આજે અમારી પાસે બોલિંગ કરવા માટે માત્ર 40 ઓવર હતી. અમે વિચાર્યું કે તેમને આઉટ કરવા માટે 130 ઓવર પૂરતી હશે.

અમે રનના બદલે તેમને આઉટ કરવા માટે ઓવરોની સંખ્યા જોઈ રહ્યા હતા. આજે સાંજ સુધીમાં મેચ પૂરી થવાની મને કોઈ રીતે અપેક્ષા નહોતી. તેણે કહ્યું, 'રવિચંદ્રન અશ્વિન માટે બીજા દિવસની રમત પછી બહાર નીકળવું મુશ્કેલ હતું પરંતુ તેણે ચોથા દિવસે ટીમમાં સામેલ થવા બદલ ટોચના સ્પિનરની પ્રશંસા કરી, જેને તેના પરિવારમાં મેડિકલ ઇમરજન્સીના કારણે છોડવું પડ્યું.

ફેમિલી ફર્સ્ટ

રોહિતે કહ્યું, 'જ્યારે તમે તમારા સૌથી અનુભવી બોલર વગર હોવ અને તે પણ ટેસ્ટની મધ્યમાં હોય ત્યારે તે સરળ નથી હોતું, પરંતુ પરિવાર પ્રથમ આવે છે.' જ્યારે અમે સમાચાર સાંભળ્યા ત્યારે અમારા મનમાં હતું કે તેને જે યોગ્ય લાગે તે કરવું જોઈએ. અશ્વિન તેના પરિવાર સાથે રહેવા માંગતો હતો, જે એકદમ યોગ્ય બાબત હતી. અહીં આવીને ટીમ સાથે જોડાવું તેના માટે પણ સારું છે. આ બતાવે છે કે તેનો જુસ્સો અને તે કેવો વ્યક્તિ છે.

હું યશસ્વી વિશે વધારે નહીં બોલું"

રોહિત ઈચ્છે છે કે યશસ્વી જયસ્વાલ આ આક્રમક ફોર્મ ચાલુ રાખે. તેણે કહ્યું, 'હું જયસ્વાલ વિશે અત્યારે કંઈ નહીં કહીશ કારણ કે બધા તેમના વિશે વાત કરી રહ્યા છે. તેને રમવા દો. તે સારું રમી રહ્યો છે અને તે અમારા માટે સારું છે. તે સારા ફોર્મમાં છે, હું તેનાથી વધુ કંઈ કહીશ નહીં.