ICC Ranking: ઓલરાઉન્ડર રેન્કિંગમાં માર્કસ સ્ટોઇનિસનો જલવો, હાર્દિકને પણ થયો ફાયદો

• ICCએ T20માં ઓલરાઉન્ડરોની રેન્કિંગ જાહેર કરી
  
• નવા રેન્કિંગમાં ઘણા મોટા ફેરફારો જોવા મળ્યા
• માર્કસ સ્ટોઈનિસને રેન્કિંગમાં મોટો ફાયદો થયો

ICCએ T20માં ઓલરાઉન્ડરોની રેન્કિંગ જાહેર કરી છે. નવા રેન્કિંગમાં ઘણા મોટા ફેરફારો જોવા મળ્યા છે. ટી20 વર્લ્ડકપમાં ખેલાડીઓના પ્રદર્શનની પણ રેન્કિંગમાં અસર પડી રહી છે. આ સીરીઝમાં ગ્રુપ સ્ટેજમાં શાનદાર પ્રદર્શન કરનાર ઓસ્ટ્રેલિયાના સ્ટાર ઓલરાઉન્ડર માર્કસ સ્ટોઈનિસને રેન્કિંગમાં મોટો ફાયદો થયો છે.

મોહમ્મદ નબીને નુકશાન થયું

T20માં ઓલરાઉન્ડરોની રેન્કિંગમાં ટોચ પર રહેલા અફઘાનિસ્તાનના મોહમ્મદ નબીને મોટું નુકસાન થયું છે. તે નંબર વનથી સીધો ચોથા નંબર પર આવી ગયો છે. તેઓ ત્રણ સ્થાન હારી ગયા છે. હાલમાં તેનું રેટિંગ 213 છે. ઝિમ્બાબ્વેના સિકંદર રઝાએ પણ એક સ્થાન ગુમાવ્યું છે. તે હવે પાંચમા સ્થાને પહોંચી ગયો છે. તેનું રેટિંગ હાલમાં 210 છે.

માર્કસ સ્ટોઇનિસ પ્રથમ નંબર પર પહોંચ્યો

માર્કસ સ્ટોઈનિસે ગ્રુપ સ્ટેજમાં શાનદાર પ્રદર્શન કર્યું હતું. તેના જોરદાર પ્રદર્શનના આધારે તે નંબર વન ઓલરાઉન્ડર બની ગયો છે. હાલમાં તેનું રેટિંગ 231 છે. બીજા નંબર પર શ્રીલંકાના કેપ્ટન વાનિન્દુ હસરાંગા છે. તેનું રેટિંગ 222 છે. તેને એક સ્થાનનો ફાયદો થયો છે. બાંગ્લાદેશના સ્ટાર ખેલાડી શાકિબ અલ હસનને પણ બે સ્થાનનો ફાયદો થયો છે અને તે ત્રીજા સ્થાને પહોંચી ગયો છે.

હાર્દિક પંડ્યાને થયો ફાયદો

નેપાળનો દીપેન્દ્ર સિંહ છઠ્ઠા સ્થાને પહોંચી ગયો છે. આ સિવાય ટીમ ઈન્ડિયાના સ્ટાર ખેલાડી હાર્દિક પંડ્યાને પણ એક સ્થાનનો ફાયદો થયો છે. તે સાતમા સ્થાને પહોંચી ગયો છે. જોકે, ઈંગ્લેન્ડના લિયામ લિવિંગસ્ટોન અને મોઈન અલીને બે-બે સ્થાનનું નુકસાન થયું છે. જ્યારે દક્ષિણ આફ્રિકાનો કેપ્ટન એડન માર્કરામ 10માં નંબર પર યથાવત છે.