ઓસ્ટ્રેલિયાના સ્ટીવ સ્મિથે આ ખેલાડીને ગણાવ્યો વિશ્વનો સૌથી ખતરનાક બોલર

ઓસ્ટ્રેલિયા ક્રિકેટ ટીમના પૂર્વ કેપ્ટન અને દિગ્ગજ ખેલાડી સ્ટીવ સ્મિથે બોર્ડર-ગાવસ્કર ટ્રોફી પહેલા ખુલ્લેઆમ વિશ્વના સૌથી ખતરનાક બોલરનું નામ જાહેર કર્યું છે. સ્ટીવ સ્મિથની ગણના વિશ્વના શ્રેષ્ઠ બેટ્સમેનોમાં થાય છે. તેણે ક્રિકેટની દુનિયામાં ઘણા રેકોર્ડ પોતાના નામે કર્યા છે. જ્યારે સ્ટીવ સ્મિથને પૂછવામાં આવ્યું કે દુનિયાનો સૌથી ખતરનાક બોલર કોણ છે. તો તેણે ટીમ ઈન્ડિયાના દિગ્ગજ બોલરનું નામ લીધું હતું.

સૌથી ખતરનાક બોલર કોણ?

ઓસ્ટ્રેલિયાના દિગ્ગજ બેટ્સમેન સ્ટીવ સ્મિથે ટીમ ઈન્ડિયાના બોલર જસપ્રિત બુમરાહને દુનિયાનો સૌથી ખતરનાક બોલર ગણાવ્યો છે. સ્ટીવ સ્મિથે કહ્યું કે જસપ્રીત બુમરાહ T20, વનડે અને ટેસ્ટ ક્રિકેટનો સુપરસ્ટાર બોલર છે. બુમરાહ ક્રિકેટના દરેક ફોર્મેટમાં પોતાની અસર છોડે છે. પછી તે T20 ક્રિકેટ હોય કે વનડે અને ટેસ્ટ મેચ. જસપ્રિત બુમરાહની બોલિંગમાં વિવિધતા છે અને તેની ચતુરાઈ છે. તે સતત તેના યોર્કર, બાઉન્સર અને સ્વિંગ બોલથી બેટ્સમેનોને પરેશાન કરતો જોવા મળે છે. સ્ટીવ સ્મિથે કહ્યું કે જસપ્રીત બુમરાહના બોલનો સામનો કરવો કોઈપણ બેટ્સમેન માટે પડકારજનક હોય છે.

કેવી છે જસપ્રિત બુમરાહની કારકિર્દી?

જસપ્રીત બુમરાહે ટીમ ઈન્ડિયા માટે અત્યાર સુધીમાં 37 ટેસ્ટ, 89 વનડે અને 70 ઈન્ટરનેશનલ T20 મેચ રમી છે. જસપ્રીત બુમરાહે ટેસ્ટ ક્રિકેટમાં 164 વિકેટ લીધી છે. જેમાં તેણે 10 વખત 5-5 વિકેટ અને 5 વખત 4-4 વિકેટ લેવાની સિદ્ધિ મેળવી છે. તેનું સર્વશ્રેષ્ઠ પ્રદર્શન 27 રનમાં 6 વિકેટ લેવાનું રહ્યું છે. આ સાથે જ બુમરાહે ODI ક્રિકેટમાં 149 વિકેટ લીધી છે. વનડેમાં જસપ્રીત બુમરાહે બે વખત 5-5 વિકેટ અને 6 વખત 4-4 વિકેટ લીધી છે. જસપ્રીત બુમરાહે અત્યાર સુધી આંતરરાષ્ટ્રીય T20 ક્રિકેટમાં 89 વિકેટ ઝડપી છે.